DOA

ປູກຝັງທັນສະໄໝ ສະອາດ ປອດໄພ ໃສ່ໃຈຄຸນນະພາບ ໜັ້ນຄົງ ຍືນຍົງ ເປັນສິນຄ້າ

  • PDF

ປູກສາລີເປັນສິນຄ້າ ແກ້ໄຂຄວາມທຸກຍາກ

ການ​ປູກ​ສາ­ລີ ຖື​ເປັນ​ອີກຫນຶ່ງ​ຫົນ­ທາງ​ໃນ​ການ​ສ້າງ​ເສດຖະ​ກິດ​ຄອບ­ຄົວ​ແກ້​ໄຂ ຄວາມ­ທຸກຍາກ, ເຊິ່ງ​ໃນ​ວັນ​ນີ້ ພວກ​ເຮົາ​ຈະພາ​ມາ​ຮູ້­ຈັກ​ຄອບ­ຄົວ​ຕົວ​ແບບດ້ານ​ການ​ປູກ​ສາ­ລີ​ເປັນ​ສິນ­ຄ້າ ແກ້​ໄຂ​ຄວາມ­ທຸກ​ຍາກ​ຢູ່​ບ້ານ​ໄຊຊະ­ນະ ເມືອງ​ປາກ​ແບງ ແຂວງອຸ­ດົມ​ໄຊ.

 

ທ. ຄຳ​ສຸກ ແກ້ວ​ໂພ​ໄຊ ຄອບຄົວ​ຕົວ​ແບບ​ປູກ​ສາ­ລີ​ເປັນ​ສິນ­ຄ້າໃຫ້​ຮູ້​ວ່າ: ໃນ​ປີ 2009 ທະ​ນາຄານ​ນະ­ໂຍ­ບາຍຫນ່ວຍ​ບໍ­ລິ­ການເມືອງ​ປາກ​ແບງ ໄດ້​ປ່ອຍ​ສິນເຊື່ອ​ໃຫ້​ຄອບ­ຄົວ​ຂ້າ­ພະ­ເຈົ້າ​ຈຳນວນ 5 ລ້ານ​ກີບ ເປັນ​ທຶນ​ຊື້​ແນວພັນ​ສາ­ລີ, ຢາ​ຂ້າ​ສັດ­ຕູ​ພືດ ແລະ ຊື້​ອຸ­ປະ­ກອນ​ລົດ​ໄຖ. ເນື້ອ­ທີ່​ສວນ​ສາ­ລີ​ຂອງ ທ ຄຳສຸກ ມີ​ທັງ​ຫມົດ 2,5 ເຮັກ­ຕາ ໄດ້ຜົນ​ຜະ­ລິດ​ສະ­ເລ່ຍ 7 ໂຕນ​ຕໍ່​ເຮັກຕາ (ຜະ­ລິດ​ສອງ​ລະ­ດູ​ຕໍ່​ປີ), ລາຄາ​ຂາຍ​ສາ­ລີ​ສະ­ເລ່ຍ 1.650 ກີບ​ຕໍ່​ກິ​ໂລ.ປີ​ດຽວ​ກັນ ທ. ຄຳ​ສຸກ ສ້າງລາຍ​ຮັບ​ຈາກ​ການ​ຂາຍ​ສາ­ລີ​ທັງຫມົດ 28,8 ລ້ານ​ກວ່າ​ກີບ, ປີ 2010 ຂາຍ​ສາ­ລີ​ໄດ້​ທັງ​ຫມົດ 33,3 ລ້ານ​ກວ່າ​ກີບ; ສະ­ເພາະ​ປີ  2011 ນີ້ ຄາດ​ວ່າ​ຈະ​ສ້າງ​ລາຍຮັບ​ເຂົ້າ​ຄອບ­ຄົວ​ຕື່ມ​ປະ­ມານ 40 ລ້ານ​ກີບ. ທ. ຄຳ​ສຸກ ໄດ້​ນຳ​ເອົາ​ລາຍ ຮັບ​ຈາກ​ການ​ຂາຍ​ສາ­ລີ​ໃນ​ແຕ່ລະ​ປີ​ຊຳ­ລະ​ຫນີ້​ຕົ້ນ​ທຶນ ແລະ ດອກ​ເບ້ຍ​ເງິນ​ກູ້​ໃຫ້​ທະ­ນາ­ຄານນະ­ໂຍ­ບາຍ​ຫນ່ວຍ​ບໍ­ລິ­ການ ເມືອງ​ປາກ​ແບງ ທັນ​ຕາມ​ກຳ­ນົດ ສັນ­ຍາ. ສ່ວນ​ທີ່​ເຫລືອ​ເປັນ​ທຶນ ຮອນ​ຊື້​ລົດ​ໄຖ​ນາ​ເດີມ​ຕາມ 1 ຄັນ,ລົດ­ຈັກ 1 ຄັນ, ຊື້​ສັດ­ລ້ຽງ (ຄວາຍ 1 ໂຕ, ຫມູ​ລ້ຽງ 5 ໂຕ), ຊື້​ເຄື່ອງ­ໃຊ້​ສອຍ​ຄົວ​ເຮືອນ​ເປັນຕົ້ນຕູ້­ເຢັນ ແລະ ເອົາ​ໄຟ­ຟ້າ​ເຂົ້າເຮືອນ. ນອກ​ນີ້ ຍັງ​ເປັນ​ທຶນ​ສົ່ງເສີມ​ການ​ສຶກ​ສາ​ໃຫ້​ລູກ​ຊາຍ​ໄດ້ຮຽນ​ຈົບ​ມະ­ຫາ­ວິ­ທະ­ ຍາ­ໄລ​ແຫ່ງຊາດ.

ປະ­ຈຸ​ບັນ ວິ­ຖີ​ດຳ­ລົງ​ຊີ­ວິດຂອງ​ຄອບ­ຄົວ ທ.ຄຳ​ສຸກ ປ່ຽນແປງ​ດີ​ຂຶ້ນ. ດ້ານ ທ່ານ ສຶກ ພູ­ມິ​ສຸກ ນາຍ ບ້ານໆ​ໄຊ­ຊະ­ນະລາຍ​ງານ​ວ່າ: ຮອດ​ປີ 2011 ປະ­ຊາ­ຊົນ 198  ຄອບ­ຄົວ​ໃນ​ຈຳ­ນວນ 238 ຄອບຄົວ​ໄດ້​ກູ້​ຢືມ​ເງິນ​ນຳ ທນບ ຫນ່ວຍບໍ­ລິ­ການ​ເມືອງ​ປາກ​ແບງສຸມ​ໃສ່ການ​ປູກ​ສາ­ລີ​ເປັນ​ສິນ­ຄ້າ​ເປັນຕົ້ນ ­ຕໍ ເຊິ່ງ​ສອດ­ຄ່ອງ​ກັບ​ການແຈ້ງ​ໃຫ້​ຮູ້​ຂອງ ທ່ານ ເກດ​ສະ ຫນາ ແສນ​ສຸ­ລິນ​ທາ ຮອງ​ຫົວຫນ້າ​ຫນ່ວຍ​ບໍ­ລິ­ການ​ເມືອງ​ປາກແບງ​ວ່າ: ສົກ​ປີ 2011 ໄດ້​ຮັບແຫລ່ງ​ທຶນ​ສິນ​ເຊື່ອ 5,44 ຕື້​ກີບ, ພຽງ 6 ເດືອນ​ຕົ້ນ​ປີ​ນີ້ ໄດ້​ປ່ອຍສິນ​ເຊື່ອ​ຕົວ​ຈິງ​ແລ້ວ 5,44 ຕື້​ກີບປະ­ຕິ­ບັດ​ແຜນ­ການ​ປີ 100%. ໃນ​ນັ້ນ ສິນ​ເຊື່ອ​ໄລ­ຍະ​ສັ້ນ 3,56  ຕື້​ກີບ, ໄລ­ຍະ​ກາງ 79 ລ້ານ​ກີບ ແລະ ໄລ­ຍະ​ຍາວ 1,8  ຕື້​ກີບ ໃນ​ເປົ້າ​ຫມາຍ​ປູກ­ຝັງ, ລ້ຽງ­ສັດ, ຊື້​ອຸ­ປະ­ກອນ​ການ​ຜະ ລິດ ແລະ ເກັບ​ຊື້​ຜົນ​ຜະ­ລິດ​ຂອງ ຊາວ​ກະ­ສິ­ກອນ. ສິນ​ເຊື່ອ​ດັ່ງ­ກ່າວ ໄດ້​ປ່ອຍ​ກູ້ ໃນ 25 ບ້ານ, ມີ 139 ກຸ່ມ​ຜະລິດ, ກວມ 981 ຄອບ­ຄົວ. ຮອດເດືອນ 6 ປີ​ນີ້ ຫນ່ວຍ​ບໍ­ລິ­ການ​ມີຍອດ​ສິນ​ເຊື່ອ 13,01 ຕື້​ກີບ.

ແຫຼ່ງທີ່ມາຂອງຂ່າວ: