DOA

ປູກຝັງທັນສະໄໝ ສະອາດ ປອດໄພ ໃສ່ໃຈຄຸນນະພາບ ໜັ້ນຄົງ ຍືນຍົງ ເປັນສິນຄ້າ

  • PDF

ເປີດກອງປະຊຸມ ກະສິກຳປ່າໄມ້ທົ໋ວປະເທດ

ກອງ​ປະ­ຊຸມ​ສະ­ຫລຸບ​ວຽກ​ງານ ກະ­ສິ­ກຳ ແລະ ປ່າ­ໄມ້​ທົ່ວ​ປະ­ເທດປະ­ຈຳ​ປີ 2011-2012 ຈັດ​ຂຶ້ນ​ໃນ​ເຊົ້າວານ​ນີ້ ​ທີ່​ສະ­ໂມ­ສອນ 21 ມີ­ນາ ເມືອງທ່າ​ແຂກ ແຂວງ​ຄຳ​ມ່ວນ ໂດຍ​ການ​ເຂົ້າຮ່ວມ​ຂອງ ທ່ານ ສົມ​ສະ­ຫວາດ ເລັ່ງສະ​ຫວັດ ຮອງ​ນາ­ຍົກ­ລັດ­ຖະ­ມົນ­ຕີ ຜູ້​ຊີ້​ນຳ​ວຽກ​ງານ​ເສດ­ຖະ­ກິດ ທ່ານ ວິໄລ​ວັນ ພົມ​ເຂ ລັດ­ຖະ­ມົນ­ຕີ​ວ່າ­ການກະ­ຊວງ​ກະ­ສິ­ກຳ ແລະ ປ່າ­ໄມ້, ທ່ານເຈົ້າ­ແຂວງໆ​ຄຳ​ມ່ວນ, ມີ​ບັນ­ດາ​ທ່ານລັດ­ຖະ­ມົນ­ຕີ​ຊ່ວຍ, ຫົວ­ຫນ້າ​ພະ​ແນກ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

ທ່ານ ວິ­ໄລ​ວັນ ພົມ​ເຂ ລັດ​ຖະ ມົນ­ຕີ​ວ່າ­ການ​ກະ­ຊວງ​ກະ­ສິ­ກຳ ແລະ ປ່າ­ໄມ້ ກ່າວ​ທີ່​ປະ­ຊຸມ​ວ່າ: ກອງ​ປະ­ຊຸມສະ­ຫລຸບ​ວຽກ​ງານ​ ກະ­ສິ­ກຳ ແລະ ປ່າໄມ້​ທົ່ວ​ປະ­ເທດ ເພື່ອ​ຕີ​ລາ­ຄາ​ການ​ຈັດຕັ້ງ​ປະ­ຕິ­ບັດ​ແຜນ​ພັດ­ທະ­ນາ​ ກະ­ສິ­ກຳ ແລະ ປ່າ­ໄມ້​ໃນ​ສົກ​ປີ 2011-2012 ບົນ​ຈິດ­ໃຈ​ອີງ­ໃສ່ 4 ບຸກ​ທະ­ລຸ ເຊິ່ງ​ໄດ້ກຳ­ນົດ​ໄວ້​ໃນ​ມະ­ຕິ​ກອງ​ປະ­ຊຸມ​ໃຫຍ່​ຄັ້ງທີ IX ຂອງ​ພັກ​ ເປັນ​ໄມ້​ຫລາ​ວັດ­ແທກ​ຄື: ບຸກ​ທະ­ລຸ​ທາງ​ດ້ານ​ຈິນ­ຕະ­ນາ­ການ, ບຸກ​ທະ­ລຸ​ທາງ​ດ້ານ​ບຸກ​ຄະ­ລາ​ກອນ, ບຸກທະ­ລຸ​ທາງ​ດ້ານ​ກົນ​ໄກ​ລະ­ບອບ​ແບບແຜນ​ວິ­ທີ​ເຮັດ​ວຽກ ແລະ ບຸກ​ທະ­ລຸ​ທາງ​ດ້ານ​ການ​ແກ້​ໄຂ​ຄວາມ­ທຸກ​ຍາກ.

ສ່ວນ ທ່ານ ດຣ. ຕີ ພົມ​ມະ​ສັກ ລັດຖະ​ມົນ­ຕີ​ຊ່ວຍ​ວ່າ­ການ​ກະ­ຊວງ​ກະສິ​ກຳ-ປ່າ­ໄມ້​ໄດ້​ ຜ່ານ​ບົດ​ສະ­ຫລຸບ​ ການຈັດ​ຕັ້ງ​ປະ­ຕິ­ບັດ​ວຽກ​ງານ​ໃນ 1 ປີຜ່ານ​ມາ​ວ່າ: ໃນ​ທົ່ວ​ປະ­ເທດ​ສາ­ມາດຜະ­ລິດ​ເຂົ້າ​ໄດ້ 3,43 ລ້ານ​ໂຕນ, ເທົ່າກັບ 95%, ການ​ຜະ­ລິດ​ພືດ​ຜັກ​ຕ່າງໆ ໂດຍ​ສະ­ເພາະ​ກໍ່​ແມ່ນ​ການ​ປູກ​ສາ­ລີຫວານ​ໄດ້ 183.000 ໂຕນ, ເພີ່ມ​ຂຶ້ນ 78%, ການ​ຜະ­ລິດ​ຊີ້ນ-ປາ ແລະ ໄຂ່ໄດ້​ທັງ​ຫມົດ 315.300 ໂຕນ, ໃນ​ນັ້ນ ຊີ້ນ 152 ແສນ​ໂຕນ, ສຳ­ລັບ​ການ​ລ້ຽງສັດ​ເປັນ​ສິນ­ຄ້າ​ໄດ້​ມີ​ການ​ຂະ­ຫຍາຍຕົວ​ດີ​ຂຶ້ນ ດ້ວຍ​ການ​ນຳ​ໃຊ້​ແນວ​ພັນປັບ­ປຸງ ແລະ ກ້າວ​ໄປ​ສູ່​ການ​ລ້ຽງ​ແບບອຸດ­ສາ­ຫະ­ກຳ.

ປະ­ຈຸ​ບັນ ໃນ​ທົ່ວ​ປະ­ເທດ​ໄດ້​ມີ​ຟາມລ້ຽງ­ສັດ​ໃຫຍ່​ງົວ-ຄວາຍ, ມີ 316 ຟາມ, ເພີ່ມ​ຂຶ້ນ  72 ຟາມ, ຫມູ 988 ຟາມ, ເພີ່ມ​ຂຶ້ນ 74 ຟາມ,ໄດ້​ຈັດ​ຕັ້ງ​ກຸ່ມ​ຜະ­ລິດ​ແນວ​ພັນເຂົ້າ​ໄດ້ 1,3 ພັນ​ກຸ່ມ, ກຸ່ມ​ປູກສາ­ລີ 110 ກຸ່ມ, ກຸ່ມ​ປູກ​ເຂົ້າ​ເປັນສິນ­ຄ້າ​ຕິດ​ພັນ​ກັບ​ກຸ່ມ​ໂຮງ­ສີ 152 ກຸ່ມ, ເດັ່ນ​ກວ່າ​ຫມູ່​ແມ່ນ​ຢູ່​ແຂວງຄຳ​ມ່ວນ ແລະ ແຂວງ​ສະ­ຫວັນນະ​ເຂດ, ກຸ່ມ​ປູກ​ຜັກ​ອິນ​ຊີ 59 ກຸ່ມ, ລ້ຽງ­ສັດ​ໃຫຍ່ 103 ກຸ່ມ ລ້ຽງ​ແບ້ 57 ກຸ່ມ, ສັດ​ປີກ 108 ກຸ່ມ, ປູກ​ຫຍ້າ 36 ກຸ່ມ, ສາ­ມາດ ກ້າວ​ໄປ​ສ້າງ­ຕັ້ງ​ເປັນ​ສະ­ມາ­ຄົມ​ຜູ້ຜະ­ລິດ​ກາ­ເຟ​ເຂດ​ພູ​ພຽງ​ບໍ​ລະເວນ ເຊິ່ງ​ປະ­ກອບ​ດ້ວຍ​ກຸ່ມ​ຜະ­ລິດ 54 ກຸ່ມ ແລະ ສະ­ມາ­ຄົມ​ຜູ້​ສົ່ງອອກ​ກາ­ເຟ​ລາວ 21 ກຸ່ມ ທ່ານ ດຣ. ຕີ ພົມ​ມະ​ສັກ​ກ່າວ.

ໂອ­ກາດ​ນີ້ ທ່ານ ສົມ​ສະ­ຫວາດ ເລັ່ງ​ສະ​ຫວັດ ຮອງ​ນາ­ຍົກ​ລັດຖະ​ມົນ­ຕີ ໄດ້​ເນັ້ນ​ບາງ​ບັນ­ຫາຕ້ອງ​ໄດ້​ເອົາ­ໃຈ­ໃສ່​ເປັນ­ຕົ້ນ ​ດ້ານການ​ປູກ­ຝັງ​ ກາຍ­ເປັນ​ສິນ­ຄ້າ​ເປັນທ່າ­ແຮງ​ຊຸກ­ຍູ້​ສົ່ງ­ເສີມ​ການ​ເຮັດກະ­ສິ­ກຳ, ການ​ແບ່ງ​ຂັ້ນ​ຄຸ້ມ​ລະຫວ່າງ ​ສູນ​ກາງ ແລະ ທ້ອງ­ຖິ່ນ ແລະ ການ​ສະ­ເຫນີ​ຈາກ​ພາກ​ທຸລະ​ກິດ ໂດຍ​ສະ­ເພາະ ​ຜູ້​ໃຫ້​ບໍ​ລິການ​ກ່ຽວ​ກັບ­ເຂົ້າ​ ມີ​ບັນ­ຫາ​ຂໍ້​ຄົງຄ້າງ ແລະ ທິດ​ທາງ​ແກ້​ໄຂ​ແນວໃດ ເພື່ອ​ຍູ້​ແຮງ​ການ​ຜະ­ລິດ​ສິນຄ້າ​ດ້ານ​ເຂົ້າ​ໃຫ້​ພົ້ນ​ເດັ່ນ​ມີ​ການປະ­ສານ​ ສົມ­ທົບ​ກັບ​ທຸກ​ຂະ­ແຫນງການ​ທີ່​ກ່ຽວ­ຂ້ອງ​ທັງ​ການ​ອຳນວຍ​ຄວາມ​ສະ­ດວກ, ຕອບ​ສະຫນອງ​ວິ­ຊາ​ການ ແລະ ການ​ເຂົ້າຫາ​ແຫລ່ງ​ທຶນ.

ດ້ານ​ປ່າ­ໄມ້​ເຖິງ​ວ່າ​ລັດ​ຖະບານ​ໄດ້​ກຳ­ນົດ 3 ປະ­ເພດ​ປ່າ​ຄື: ປ່າ​ສະ­ຫງວນ, ປ່າ​ປ້ອງ​ກັນ ແລະ ປ່າ​ຜະ­ລິດ​ໃຫ້​ຄົ້ນ­ຄວ້າ​ໃນ​ການຮັກ­ສາ​ປ່າ​ໃຫ້​ປົກ​ຫຸ້ມ​ເຖິງ 70% ໃນ​ປີ 2020.

 

ທີ່ມາຂອງຂ່າວ: