DOA

ປູກຝັງທັນສະໄໝ ສະອາດ ປອດໄພ ໃສ່ໃຈຄຸນນະພາບ ໜັ້ນຄົງ ຍືນຍົງ ເປັນສິນຄ້າ

ເອກກະສານທີ່ມາໃໝ່

  • PDF

ສາລະວັນ ເລ່ງເປົ້າປູກພືດ ເປັນສິນຄ້າມີຕະຫລາດຮອງຮັບ

ສາ­ລະ​ວັນ​ເປັນ​ແຂວງ​ຫນຶ່ງ ​ທີ່​ມີ​ເນື້ອ­ທີ່​ໃນ​ການ​ຜະ­ລິດ​ກະ­ສິ­ກຳ ​ຢ່າງ​ກວ້າງ­ຂວາງ, ຂະ­ນະ​ທີ່​ຂະ­ແຫນງ​ກະ­ສິ­ກຳ ແລະ ປ່າ­ໄມ້​ແຂວງ​ເລ່ງ​ເປົ້າ​ສົ່ງ­ເສີມ​ການ​ປູກ​ພືດ​ທີ່​ມີ​ທ່າ­ແຮງ ເພື່ອການ​ບໍ­ລິ­ໂພກ ແລະ ຂາຍ​ເປັນ​ສິນ­ຄ້າ. ຂໍ້​ມູນ​ຈາກ​ພະ​ແນກ​ແຜນ­ການ ແລະ ການ​ລົງ­ທຶນ​ແຂວງ​ສາ­ລະ​ວັນ​ໃຫ້​ຮູ້​ວ່າ: ໂດຍ​ລວມ​ແລ້ວ ແຂວງ​ສາ­ລະ​ວັນ​ແມ່ນ​ມີ ​ທ່າ­ແຮງ​ໃນ​ການ​ຜະ­ລິດ​ກະ­ສິ­ກຳ

ໂດຍ​ສະ­ເພາະ​ການ​ຜະ­ລິດ​ສະ­ບຽງ​ອາ­ຫານ ແລະ ປູກ​ພືດ​ເປັນ​ສິນ­ຄ້າ​ແມ່ນ​ມີ​ການ​ແຂ່ງ­ຂັນ​ກັນ​ເຮັດ​ເປັນ​ຂະ​ບວນ​ຢ່າງ​ຕໍ່​ ເນື່ອງ, ເປັນ­ຕົ້ນ​ພືດ​ທີ່​ມີ​ຕະ­ຫລາດ​ຮອງ​ຮັບ​ເຊັ່ນ: ກາ­ເຟ​ປອດ​ສານ­ພິດ, ສາ­ລີ​ອາ­ຫານ​ສັດ, ມັນ­ຕົ້ນ, ພືດ​ຕະ­ກູນ​ຖົ່ວ, ສັດ­ລ້ຽງ... ເຫັນ​ວ່າ​ໄດ້​ຮັບ​ຜົນ​ດີ.

ພືດ​ໄລ­ຍະ​ສັ້ນ​ຮອບ​ວຽນ​ປີ​ຫນຶ່ງ​ປູກ​ໄດ້​ຫລາຍ​ເທື່ອ​ເຊັ່ນ: ສາ­ລີ, ສາ​ລອຍ, ຫມາກ­ແຕງ, ຫມາກ­ຖົ່ວ, ພືດ​ຜັກ​ຕ່າງໆ ເຊິ່ງ​ໃນ​ສົກ​ປີ­ຜ່ານ­ມາ​ສາ­ມາດ​ເກັບ​ຜົນ​ຜະ­ລິດ​ສາ­ລີ, ສາ​ລອຍ​ໄດ້​ເກືອບ 8 ພັນ​ໂຕນ, ໃນ​ເນື້ອ­ທີ່ 1.245 ເຮັກ­ຕາ, ຫມາກ­ເຜັດ, ຫມາກ­ເຂືອ​ໄດ້​ເກືອບ 3 ພັນ​ໂຕນ, ຫມາກ­ແຕງ, ຫມາກ­ອຶ​ໄດ້ 7.500 ໂຕນ, ພືດ​ຜັກ​ຕ່າງໆ​ໄດ້ 10.214 ໂຕນ, ການ​ຜະ­ລິດ​ຊີ້ນ​ໄດ້ 13.746  ໂຕນ ແລະ ປາ​ໄດ້ 972 ໂຕນ.

ສ່ວນ​ການ​ຜະ­ລິດ​ເປັນ​ສິນ­ຄ້າ​ແມ່ນ​ສຸມ​ໃສ່​ພືດ​ທີ່​ເປັນ​ທ່າ­ແຮງ, ມີ​ຕະ­ຫລາດ​ຮອງ​ຮັບ​ເປັນ­ຕົ້ນ​ກາ­ເຟ​ຄຸນ​ນະ​ພາບ, ສາ­ລີ​ຫົວ­ອາ­ຫານ​ສັດ, ເຂົ້າ, ມັນ­ຕົ້ນ, ມັນ​ດ້າງ, ຫມາກ­ກ້ວຍ, ເຊິ່ງ​ໃນ​ສົກ​ປີ­ຜ່ານ­ມາ​ສາ­ມາດ​ເກັບ​ຜົນ​ຜະ­ລິດ​ກາ­ເຟ​ໄດ້ 17.220 ໂຕນ, ເຂົ້າ​ເປັນ​ສິນ­ຄ້າ 1,3 ແສນ​ໂຕນ, ສາ­ລີ​ຫົວ­ອາ­ຫານ​ສັດ 12.576 ໂຕນ, ມັນ​ດ້າງ 3.317 ໂຕນ, ມັນ­ຕົ້ນ 85.818 ໂຕນ ແລະ ກ້ວຍ 80.933 ໂຕນ, ເຮັດ​ໃຫ້​ຕົວ​ເລກ​ການ​ສົ່ງ​ອອກ​ສິນ­ຄ້າ​ກະ­ສິ­ກຳ​ປະ­ເພດ​ພືດ​ແມ່ນ​ບັນ­ລຸ 6,62 ລ້ານ​ໂດ​ລາ​ສະ­ຫະ­ລັດ, ທຽບ​ກັບ​ປີ­ຜ່ານ­ມາ​ເພີ່ມ​ຂຶ້ນ 2 ເທົ່າ​ຕົວ. ນອກ­ຈາກ​ນີ້ ແມ່ນ​ສົ່ງ​ອອກ​ປະ­ເພດ​ງົວ, ຄວາຍ, ຫມູ​ຄິດ​ເປັນ​ມູນ ຄ່າ 269.298 ໂດ​ລາ​ສະ­ຫະ­ລັດ ແລະ ເຄື່ອງ​ປ່າ​ຂອງ​ດົງ​ປະ­ມານ 1 ລ້ານ​ກວ່າ​ໂດ​ລາ​ສະ­ຫະ­ລັດ.

ສ່ວນ​ຂະ­ແຫນງ​ອຸດ­ສາ­ຫະ­ກຳ ແລະ ການ​ຄ້າ​ແຂວງ​ເຫັນ​ວ່າ​ມີ​ທ່ວງ​ທ່າ​ດີ​ຂຶ້ນ, ເນື່ອງ​ຈາ​ກວ່າ​ລັດ­ຖະ­ບານ​ມີ​ນະ­ໂຍ­ບາຍ​ການ​ສົ່ງ​ອອກ​ໄມ້ ແລະ ຜະ­ລິດ​ຕະ​ພັນ​ໄມ້, ສິນ­ຄ້າ​ກະ­ສິ­ກຳ, ບັນ­ລຸ 166,45 ຕື້​ກີບ, ກວມ​ເອົາ 74% ຂອງ​ການ​ສົ່ງ​ອອກ​ທັງ​ຫມົດ, ທຽບ​ກັບ​ສົກ​ປີ​ກ່ອນ​ຫນ້າ​ນັ້ນ​ເພີ່ມ​ຂຶ້ນ 41,88%, ແນວ­ໃດ​ກໍ່​ຕາມ ຄຽງ​ຄູ່​ກັບ​ການ​ຜະ­ລິດ​ກໍ່​ໄດ້​ເອົາ­ໃຈ­ໃສ່​ການ​ກວດ­ກາ​ຄຸ້ມ​ຄອງ, ຈັດ​ສັນ​ຄວາມ​ເປັນ​ລະ­ບຽບ​ຮຽບ​ຮ້ອຍ, ຄຸ້ມ​ຄອງ​ລາ­ຄາ​ສິນ­ຄ້າ, ອັນ​ທີ່​ພົ້ນ​ເດັ່ນ​ໄດ້​ລະ­ດົມ​ທຸ­ລະ​ກິດ​ມາ​ລົງ­ທຶນ​ເຂົ້າ​ໃນ​ການ​ ພັດ­ທະ­ນາ​ຕະ­ຫລາດ​ເມືອງ​ຄົງ​ເຊ​ໂດນ, ເມືອງ​ວາ­ປີ... ເພື່ອ​ສ້າງ​ສິ່ງ​ຮອງ​ຮັບ​ກັບ​ຜົນ​ຜະ­ລິດ​ຂອງ​ຊາວ​ກະ­ສິ­ກອນ, ທຸ­ລະ​ກິດ... ໃຫ້​ໄດ້​ສະ­ດວກ ແລະ ຫມັ້ນ​ທ່ຽງ​ຕໍ່​ເນື່ອງ.

ທີ່ມາຂອງຂ່າວ: