DOA

ປູກຝັງທັນສະໄໝ ສະອາດ ປອດໄພ ໃສ່ໃຈຄຸນນະພາບ ໜັ້ນຄົງ ຍືນຍົງ ເປັນສິນຄ້າ

  • PDF

ບໍ່ແກ້ວ ສົ່ງອອກສາລີຫລຸດ ແຕ່ພືດຊະນິດອື່ນເພີ່ມ

ຜ່ານ​ມາ​ ໄທເປັນ​ຕະຫລາດ​ຮອງ​ຮັບ ​ສາ­ລີ​ຈາກ​ບັນ­ດາແຂວງ​ພາກ​ເຫນືອ​ຂອງ​ລາວ, ນັບ​ແຕ່​ຊຸມ​ປີ­ຜ່ານ­ມາ ​ທີ່​ໄທ​ໄດ້​ປະກາດ​ຫ້າມ​ນຳ​ເຂົ້າ­ສາ­ລີ​ຈາກລາວ ເຮັດ​ໃຫ້​ລາຍ​ຮັບ​ຈາກ​ສາ­ລີຢູ່​ບັນ­ດາ​ແຂວງ​ພາກ​ເຫນືອ​ຫົດຕົວ​ເຂົ້າ ແຕ່​ລະ​ປີ​ຕົວ​ເລກ​ການສົ່ງ​ອອກ​ຫລຸດ​ລົງ. ທ່ານ ຈຳ​ພອນ ແກ້ວ​ຫາງເພັງ ຫົວ­ຫນ້າ​ພະ​ແນກ​ອຸດ​ສາ​ຫະກຳ ແລະ ການ​ຄ້າ​ແຂວງ​ບໍ່​ແກ້ວລາຍ​ງານ: ສະ­ພາບ​ປະ­ຈຸ​ບັນ ການ​ສົ່ງ​ອອກ​ສາ­ລີ​ຂອງ ​ແຂວງບໍ່​ແກ້ວ​ມີ​ສະ­ພາບ​ຫລຸດ​ລົງ​ທົບເຄິ່ງເນື່ອງ​ຈາ​ກວ່າ

​ ໄທ​ຫ້າມ​ນຳເຂົ້າ­ສາ­ລີ​ຈາກ​ລາວ, ເຮັດ​ໃຫ້​ປະຊາ​ຊົນ​ຈຳ­ນວນ​ຫນຶ່ງ​ຢຸດ​ການ​ປູກສາ­ລີ​ ແລ້ວ​ຫັນ​ໄປ​ປູກ​ພືດ​ ຊະ­ນິດອື່ນ​ແທນ. ໃນ​ສົກ​ປີ­ຜ່ານ­ມາ ບໍ່ແກ້ວ​ສາ­ມາດ​ສົ່ງ​ອອກ​ສາ­ລີ 3 ພັນ​ກວ່າ​ໂຕນ, ທຽບ​ກັບ​ກ່ອນຫນ້າ​ໄທ​ຈະ​ຫ້າມ​ນຳ​ເຂົ້າ​ຫລຸດລົງ​ກາຍ​ເຄິ່ງ, ແນວ­ໃດ​ກໍ່​ຕາມ ເຖິງ​ວ່າ​ປະ­ຊາ­ຊົນ​ຢຸດ​ປູກ​ສາ­ລີແຕ່​ມີ​ການ​ຫັນ​ໄປ​ປູກ​ພືດ​ຊະ­ນິດອື່ນ​ແທນ.

ດ້ານ​ທ່ານ ຄາມ ພະ​ນະ­ຄອນ ຫົວ­ຫນ້າ​ພະ​ແນກ​ກະ­ສິ­ກຳ ແລະ ປ່າ­ໄມ້​ແຂວງ​ບໍ່​ແກ້ວ​ລາຍ​ງານ: ນັບ​ແຕ່​ໄທ​ກັກ​ກັ້ນ​ບໍ່​ໃຫ້​ນຳ​ເຂົ້າສາ­ລີ​ຈາກ​ລາວ ການ​ປູກ​ສາ­ລີ​ຢູ່ແຂວງ​ນັບ​ມື້​ມີ​ຕົວ​ເລກ​ນັບ​ຫລຸດ ລົງ, ເຊິ່ງ​ປີ­ຜ່ານ­ມາ​ເນື້ອ­ທີ່​ປູກ​ສາ ລີ​ໄດ້​ພຽງ 11 ພັນ​ກວ່າ​ເຮັກ­ຕາ, ແຕ່​ປີ​ນີ້​ອາດ​ຈະ​ບໍ່​ຮອດ ເພາະ ການ​ປູກ​ສາ­ລີ​ຫຍຸ້ງ­ຍາກ​ດ້ານ​ຕະ ຫລາດ, ເຮັດ​ໃຫ້​ປະ­ຊາ­ຊົນ​ທີ່​ເຄີຍ ປູກ​ທໍ້​ໃຈ ຫລື ຢຸດ​ເຊົາ ແລ້ວ​ເອົາ ເນື້ອ­ທີ່​ໃຫ້​ນັກ­ທຸ­ລະ­ກິດ​ສຳ​ປະ ທານ​ປູກ​ກ້ວຍ, ສະ­ນັ້ນ ກ້ວຍ​ຈິ່ງ ເປັນ​ສິນ­ຄ້າ​ທີ່​ມີ​ທ່າ­ແຮງ​ໃນ​ປະ­ຈຸ ບັນ, ເຊິ່ງ​ເນື້ອ­ທີ່​ບັນ­ລຸ 200 ກວ່າ ເຮັກ­ຕາ, ສາ­ມາດ​ເກັບ​ຜົນ​ຜະ­ລິດ ໄດ້​ປີ​ແລ້ວ 21 ພັນ​ກວ່າ​ໂຕນ, ແຕ່​ປີ​ນີ້ ຄາດ​ວ່າ​ຈະ​ບັນ­ລຸ​ເກີນ 40 ພັນ​ກວ່າ​ໂຕນ. ສ່ວນ​ຕະ­ຫລາດ ແມ່ນ​ສົ່ງ​ອອກ​ໄປ ສປ ຈີນ ທີ່ ຄວາມ​ແນ່­ນອນ​ດ້ານ​ລາ­ຄາ​ຂ້ອນ ຂ້າງ​ດີ​ໃນ​ປະ­ຈຸ​ບັນ.

ແນວ­ໃດ​ກໍ່​ຕາມ ເຖິງ​ວ່າ​ໄທ ຈະ​ປິດ​ການ​ນຳ​ເຂົ້າ­ສາ­ລີ​ຈາກ ລາວ​ກໍ່​ຕາມ, ແຕ່​ຕະ­ຫລາດ​ພາຍ ໃນ ແລະ ຕະ­ຫລາດ​ອື່ນໆ​ຍັງ​ມີ ຄວາມ​ຕ້ອງ­ການ​ສາ­ລີ​ລາວ​ໃນ ອັດ­ຕາ​ສ່ວນ​ເພີ່ມ​ສູງ​ຂຶ້ນ, ໂດຍ​ສະ ເພາະ​ຕະ­ຫລາດ​ຈີນ, ຕະ­ຫລາດ ສສ ຫວຽດ­ນາມ... ແຕ່​ລະ​ປີ​ມີ ການ​ນຳ​ໃຊ້​ສາ­ລີ​ເຂົ້າ​ໃນ​ອຸດ​ສາ ຫະ​ກຳ​ປຸງ​ແຕ່ງ­ອາ­ຫານ​ສັດ ແລະ ການ​ບໍ­ລິ­ໂພກ​ຫລາຍ​ແສນ​ໂຕນ, ເຊິ່ງ​ຈະ​ເປັນ​ຜົນ​ດີ​ສຳ­ລັບ​ການ​ຜະ ລິດ​ສາ­ລີ​ຂອງ​ລາວ​ທີ່​ຈະ​ເຈາະ ເຂົ້າ​ຕະ­ຫລາດ​ດັ່ງ­ກ່າວ.

ການ​ປູກ​ສາ­ລີ​ເປັນ​ສິນ­ຄ້າ ຫລາຍ​ກວ່າ​ຫມູ່​ແມ່ນ​ຢູ່​ບັນ­ດາ ແຂວງ​ພາກ​ເຫນືອ​ຂອງ​ລາວ ກວມ​ອັດ­ຕາ​ສ່ວນ 82% ຂອງ ເນື້ອ­ທີ່​ສາ­ລີ​ທັງ​ຫມົດ​ເຊັ່ນ: ໄຊ​ຍະ ບູ​ລີ, ອຸ­ດົມ​ໄຊ, ຫົວ­ພັນ, ບໍ່​ແກ້ວ, ຫລວງ​ພະ​ບາງ, ຜົ້ງ​ສາ­ລີ ສ່ວນ ພາກ​ກາງ​ມີ 12% ແລະ ພາກ ໃຕ້ 6%, ດ້ານ​ສະ​ຖາ​ບັນ​ຄົ້ນ­ຄວ້າ ເສດ­ຖະ­ກິດ​ແຫ່ງ​ຊາດ​ຄາດ​ວ່າ​ໃນ  ອະ­ນາ­ຄົດ​ການ​ຜະ­ລິດ​ສາ­ລີ​ຂອງ ປະ­ຊາ­ຊົນ​ຈະ​ເປັນ​ຂະ​ບວນ​ຟົດ ຟື້ນ​ຂຶ້ນ​ຫລາຍ​ກວ່າ​ເກົ່າ, ເນື່ອງ ຈາກ​ລາ­ຄາ​ສາ­ລີ​ໃນ​ຕະ­ຫລາດ ໂລກ​ມີ​ທ່າ​ດີ​ຂຶ້ນ ແລະ ຄວາມ ຕ້ອງ­ການ​ສູງ​ຂຶ້ນ ຈະ​ເປັນ​ສິ່ງ​ດຶງ ໃຈ​ໃຫ້​ປະ­ຊາ­ຊົນ​ຫັນ​ມາ​ປູກ​ສາລີ​ຄືນ​ອີກ.

ທີ່ມາຂອງຂ່າວ: