DOA

ປູກຝັງທັນສະໄໝ ສະອາດ ປອດໄພ ໃສ່ໃຈຄຸນນະພາບ ໜັ້ນຄົງ ຍືນຍົງ ເປັນສິນຄ້າ

  • PDF

ຄວາມສຳຄັນສຸຂານາໄມພືດ ຕໍ່ການເຂົ້າ WTO

  • Friday, 05 April 2013 05:17

ວຽກ​ງານ​ສຸ­ຂາ​ນາ​ໄມ ແລະ ສຸ­ຂາ​ນາ​ໄມ​ພືດ (SPS) ຂອງ​ຂະ­ແຫນງ​ກະ­ສິ­ກຳ ແລະ ປ່າ­ໄມ້​ຕໍ່​ການ​ເຂົ້າ​ເປັນ​ສະ­ມາ­ຊິກອົງ­ການ​ການ​ຄ້າ​ໂລກ​ແມ່ນ​ມີຄວາມ​ ຈຳ­ເປັນ​ທີ່​ຈະ​ຊ່ວຍ​ໃນ ການ​ປົກ​ປ້ອງ​ຜູ້​ປະ­ກອບ​ການພາຍ​ໃນເປັນ­ຕົ້ນ​ດ້ານ​ນິ­ຕິ​ກຳ, ມາດ­ຕະ­ຖານ​ເພື່ອ​ເປັນ​ບ່ອນ​ອີງໃນ​ການ​ກວດ​ສອບ​ສິນ­ຄ້າ​ດ້ານ SPS ທີ່​ຈະ​ນຳ​ເຂົ້າ ຫລື ສົ່ງ​ອອກຕ່າງ­ປະ­ເທດ.

ສະ­ນັ້ນ ເມື່ອ​ທ້າຍ​ອາ­ທິດ​ຜ່ານມາ​ນີ້ ເພື່ອ​ສ້າງ​ຄວາມ​ເຂົ້າ­ໃຈ, ທາງ​ກົມ​ແຜນ­ການ ແລະ ການຮ່ວມ​ມື, ກະ­ຊວງ​ກະ­ສິ­ກຳ ແລະ ປ່າ­ໄມ້​ຈິ່ງ​ໄດ້​ຈັດ​ກອງ​ປະ­ຊຸມ​ເຜີຍແຜ່ “ຜົນ­ສຳ­ເລັດ​ການ​ເຈລະ­ຈາດ້ານ​ສຸ­ຂາ​ນາ​ໄມ ແລະ ສຸ­ຂາ​ນາ ໄມ​ພືດ​ໃນ​ການ​ເຂົ້າ​ເປັນ​ສະ​ມາຊິກ​ອົງ­ການ​ການ​ຄ້າ​ໂລກ​ຂອງ ສປປ ລາວ” ໃຫ້​ແກ່​ບັນ­ດາ​ພະນັກ​ງານ, ນັກ­ທຸ­ລະ­ກິດ​ຈາກຫລາຍ​ພາກ­ສ່ວນ​ເພື່ອ​ໃຫ້​ເຂົ້າ­ໃຈເລິກ ແລະ ປະ­ຕິ­ບັດ​ຢ່າງ​ຖືກ­ຕ້ອງ.

ປະ­ເດັນ​ທີ່​ນຳ​ມາ​ເຜີຍ­ແຜ່​ຄື: ຜົນ­ສຳ­ເລັດ​ໃນ​ການ​ເຈລະ­ຈາເຂົ້າ​ເປັນ​ສະ­ມາ­ຊິກ​ອົງ­ການ​ການຄ້າ​ໂລກ​ຂອງ​ ລາວ; ກາ­ລະ​ໂອກາດ ແລະ ສິ່ງ​ທ້າ​ທາຍ​ຂອງ​ຂະແຫນງ​ກະ­ສິ­ກຳ ຫລື ຜູ້​ປະ­ກອບການ​ໃນ​ການ​ເຂົ້າ​ເປັນ​ສະ­ມາ­ຊິກອົງ­ການ​ການ​ຄ້າ​ໂລກ, ບົດ­ບາດ ແລະ ຫນ້າ­ທີ່​ຂອງ​ຫນ່ວຍ​ງານແຈ້ງ​ຂໍ້​ມູນ​ສຸ­ຂາ​ນາ​ໄມ ແລະ ສຸຂາ​ນາ​ໄມ​ພືດ, ລະ­ບຽບ​ການ, ການ​ກວດ­ກາ​ສິນ­ຄ້າ (ສະ­ບຽງອາ­ຫານ) ໃນ​ການ​ນຳ​ເຂົ້າŒສົ່ງອອກ, ຂັ້ນ​ຕອນ​ການ​ປະ­ກອບເອ­ກະ­ສານ, ບ່ອນ​ປະ­ສານ​ງານ, ເຂດ​ຮັບ­ຜິດ­ຊອບ, ສິດ​ໃນ​ການ​ອະນຸ​ມັດ, ໂດຍ​ນັກ​ວິ­ທະ­ຍາ­ກອນຈາກ​ກົມ​ນະ­ໂຍ­ບາຍ​ການ​ຄ້າຕ່າງ­ປະ­ເທດ, ກົມ​ແຜນ­ການ ແລະ ການ​ຮ່ວມ​ມື, ກົມ​ອາ­ຫານ ແລະ ຢາ, ກົມ​ລ້ຽງ­ສັດ ແລະ ການ​ປະ­ມົງ.

ກອງ​ປະ­ຊຸມ​ຄັ້ງ​ນີ້ ເປັນ​ປະທານ​ໂດຍ ທ່ານ ສົມ​ພັນ ຈັນ​ເພັງໄຊ ຮອງ​ຫົວ­ຫນ້າ​ກົມ​ແຜນ­ການ ແລະ ການ​ຮ່ວມ​ມື, ກະ­ຊວງ​ກະສິ​ກຳ ແລະ ປ່າ­ໄມ້.

ທີ່​ມາ​ຂອງ​ຂ່າວ: