DOA

ປູກຝັງທັນສະໄໝ ສະອາດ ປອດໄພ ໃສ່ໃຈຄຸນນະພາບ ໜັ້ນຄົງ ຍືນຍົງ ເປັນສິນຄ້າ

ເອກກະສານທີ່ມາໃໝ່

  • PDF

ປູກໝາກແຕ່ງ ພຽງເດືອນດຽວໄດ້ຂາຍ

  • Tuesday, 16 February 2016 03:06

ການ​ເຮັດ​ສວນ​ຄົວ​ປູກ​ພືດຜັກ, ໝາກ­ຖົ່ວ, ໝາກ­ແຕງ​ກໍ​ແມ່ນອີກ​ອາ­ຊີບ​ໜຶ່ງ​ທີ່​ຄົວ​ລາວ​ເຮົາ​ເຈົ້າຂ້ອຍ​

ມີ​ຄວາມ​ນິ­ຍົມ​ກັນ​ເຮັດ, ເປັນອາ­ຊີບ​ດັ້ງ­ເດີມ​ລອງ​ມາ​ຈາກ​ການເຮັດ​ໄຮ່ ແລະ​ເຮັດ​ນາ​ທີ່​ໄດ້​ສືບ​ທອດມາ​ຈາກ​ປູ່​ຍ່າ​ຕາ​ຍາຍ​ຫຼາຍ​ເຊັ່ນຄົນ​ແລ້ວ ຊຶ່ງ​ແຕ່​ລະ​ຍຸກ​ແຕ່​ລະ­ສະໄໝ​ແມ່ນ​ໄດ້​ມີ​ການ​ປັບ­ປຸງ​ທາງດ້ານ​ເຕັກ­ນິກ​ການ​ປູກ ແລະ​ການເຮັດ​ຈົນ​ຮອດ​ຍຸກ​ປະ­ຈຸ​ບັນ​ຈຶ່ງ​ໄດ້ຫັນ​ການ​ຜະ­ລິດ​ໃຫ້​ກາຍ­ເປັນ​ສິນຄ້າ​ຫາ​ລາຍ​ໄດ້​ເພື່ອ​ພັດ­ທະ­ນາຄອບ­ຄົວ​ໃຫ້​ຫຼຸດ​ພົ້ນ​ຈາກ​ຄວາມທຸກ​ຍາກ ເໝືອນ​ດັ່ງ​ຄອບ­ຄົວ​ຂອງ ທ້າວ ທອງ​ພຸດ (ຈ່ອຍ) ອາ­ຍຸ 43 ປີ ແລະນາງ ບຸນ​ຮົງ ອາ­ຍຸ 41 ປີ ທັງ​ສອງ​ຜົວŒເມຍ​ນີ້​ແມ່ນ​ຢູ່​ບ້ານນາ​ແຄ, ເມືອງ​ໄຊ​ທາ­ນີ ນະ­ຄອນຫຼວງ​ວຽງ​ຈັນ ມີ​ອາ­ຊີບ​ໃນ​ການ ເຮັດ​ນາ ແລະ​ເຮັດ​ສວນ.

ທ້າວ ທອງ​ພຸດ (ຈ່ອຍ) ເຈົ້າຂອງ​ສວນ​ໝາກ​ແຕ່ງ​ໄດ້​ໃຫ້​ຮູ້​ວ່າ: ຕົນ​ເອງ​ພ້ອມ​ດ້ວຍ​ຄອບ­ຄົວ​ໄດ້ມີ​ອາ­ຊີບ​ເຮັດ​ນາ ແລະ​ສວນ​ທີ່​ໄດ້ສືບ​ທອດ​ມາ​ຈາກ​ພໍ່​ແມ່, ຍ້ອນ​ວິ­ຊາຄວາມ​ຮູ້​ດ້ານ​ອື່ນ​ຂອງ​ຕົນ​ເອງ​ບໍ່​ມີເກີດ​ໄດ້​ໃຫຍ່​ມາ​ເຫັນ​ແຕ່​ພໍ່​ແມ່​ເພິ່ນພາ​ເຮັດ​ອາ­ຊີບ​ນີ້​ຈຶ່ງ​ໄດ້​ສືບ­ຕໍ່​ຈາກພວກ​ເພິ່ນ, ແຕ່​ລະ​ປີ​ແມ່ນ​ໄດ້​ອາ​ໃສແຕ່​ນາ​ທົ່ງ​ໜຶ່ງ​ທີ່​ເປັນ​ຊັບ​ສົມ­ບັດຊິ້ນ​ສຸດ​ທ້າຍ​ຂອງ​ເພິ່ນ​ຝາກ​ໄວ້​ໃຫ້ ຊຶ່ງ​ມີ​ເນື້ອ­ທີ່​ປະ­ມານ 2 ເຮັກ­ຕາກວ່າ ຕັ້ງ​ຢູ່​ເສັ້ນ­ທາງ​ຕັດ​ໃໝ່ 450 ປີ ເປັນ​ບ່ອນ​ທຳ​ການ​ຜະ­ລິດ​ຕະຫຼອດ​ປີ​ຮອດ​ລະ­ດູ­ຝົນ​ມາ​ແມ່ນ​ໄດ້ລົງ­ມື​ຄາດ​ໄຖ​ເຮັດ​ນາ​ປູກ​ເຂົ້າ, ເຖິງຍາມ​ແລ້ງ​ມາ ຊຶ່ງ​ນັບ​ແຕ່​ເດືອນ 11-Œ12 ແມ່ນ​ໄດ້​ລົງ­ມື​ຄາດ​ໄຖເຮັດ​ສວນ​ປູກ​ຜັກ ແລະ​ໝາກ­ແຕງ ໂດຍ​ໄດ້​ຂຸດ​ໜອງ​ໄວ້​ໜຶ່ງ​ໜອງ ເພື່ອ​ເປັນ​ບ່ອນ​ຂັງ​ນ້ຳ​ໄວ້​ພ້ອມທັງ​ເປັນ​ບ່ອນ​ອາ­ໄສ​ຂອງ​ປາທີ່​ມາ​ຈາກ​ແຫຼ່ງ​ນ້ຳ​ທຳ​ມະ​ຊາດ ເມື່ອ​ຮອດ​ຍາມ​ແລ້ງ​ມາ​ແມ່ນ​ເອົານ້ຳ​ມາ​ຫົດ​ສວນ ແລະ​ທັງ​ໄດ້​ກິນປາ​ນຳ​ພ້ອມ ໃນ​ທ້າຍ​ປີ 2015 ຂອງ​ຕົ້ນ​ເດືອນ 12, ພາຍ­ຫຼັງ​ໄຖ ແລະ​ຄາດ​ແລ້ວ​ກໍ​ໄດ້​ລົງ­ມື​ປູກ​ໝາກແຕງŒຜັກ ແລະ​ມາ​ຮອດ​ຕົ້ນ​ເດືອນ 1/16 ແມ່ນ​ໄດ້​ເລີ່ມ​ເກັບ​ໝາກ­ແຕງຂາຍ ຊຶ່ງ​ມາ​ຮອດ​ວັນ​ທີ 15 ມັງກອນ 2016 ນີ້​ແມ່ນ​ເກັບ​ໄດ້ 10 ມື້​ແລ້ວ ແລະ​ເກັບ​ໄດ້​ມື້​ລະ​ປະ­ມານ 11-Œ12 ໝື່ນ ຫຼື ປະ­ມານ 130Œ-140 ກິ​ໂລ​ຕໍ່​ມື້ ແລະ​ຂາຍ​ເປັນ​ໝື່ນໆລະ 20.000 ກີບ ຊຶ່ງ​ມື້­ໜຶ່ງ​ມີ​ລາຍຮັບ​ຈາກ​ການ​ຂາຍ​ໝາກ­ແຕງ​ໄດ້ປະ­ມານ 240.000Œ-250.000 ກີບ ແລະ​ບາງ​ມື້​ກໍ​ໄດ້​ຫຼາຍ​ກວ່າ​ນັ້ນການ​ເກັບ​ກູ້​ໝາກແຕງ​ຍັງ​ອີກ​ປະມານ 20 ວັນ ໃນ​ຂ້າງ​ໜ້າ​ກໍ​ຈະ​ໝົດ ແລະ​ຫຼັງ​ຈາກ​ນັ້ນ​ກໍ​ໄດ້​ເລີ່ມ​ຮື້ ແລະໄຖŒຄາດ​ຄືນ​ອີກເພື່ອ​ປູກ​ໝາກ­ແຕງຊຸດ​ໃໝ່​ຕໍ່​ໄປ​ເຮັດ​ແບບ​ນີ້​ໄປ​ເລື້ອຍໆ ຈົນ​ຮອດ​ລະ­ດູ​ນາ​ຈຶ່ງ​ໄດ້​ເຮັດ​ນາ, ການ​ເຮັດ​ສວນ ແມ່ນ​ໄດ້​ຍ້າຍ​ຂຶ້ນມາ​ເຮັດ​ຢູ່​ເທິງ​ດິນ​ໂນນ, ເພື່ອ​ບໍ່​ໃຫ້ນ້ຳ​ຖ້ວມ​ສວນ ການ​ເຮັດ​ນາ​ແມ່ນປີ​ລະ​ເທື່ອ ແຕ່​ເຮັດ​ສວນ​ແມ່ນ​ຕະ ຫຼອດ​ທັງ​ປີ.

ທ້າວ ທອງ​ພຸດ (ຈ່ອຍ) ຍັງ ໄດ້​ໃຫ້​ຮູ້​ຕື່ມ​ອີ​ກວ່າ: ການ​ລົງ­ທຶນ​ໃນການ​ເຮັດ​ສວນ​ໝາກ­ແຕງ​ກໍ​ບໍ່​ໄດ້​ນຳ ໃຊ້​ທຶນ​ຫຼາຍ​ພໍ​ເທົ່າ­ໃດ​ເຊັ່ນ: ການໄຖŒຄາດ ແລະ​ການ​ປູກ​ກໍ​ແມ່ນ​ຕົນເອງ​ພ້ອມ​ຄອບ­ຄົວ​ຊ່ວຍ​ກັນ​ເຮັດ, ຊື້​ນ້ຳ­ມັນ​ໃສ່​ລົດ​ໄຖ​ກໍ​ບໍ່​ໝົດ​ຫຼາຍ, ຫຼັງ​ຈາກ​ປູກ​ແລ້ວໆ​ກໍ​ແມ່ນ​ມີ​ການ ບົວ­ລະ­ບັດ​ຮັກ­ສາ​ດ້ວຍ​ການ​ລົງ­ທຶນ ຊື້​ຝຸ່ນ​ຄອກ​ເປັດŒຄອກ​ໄກ່​ມາ​ໃສ່ເດືອນ​ລະ 4 ຄັ້ງ ຊຶ່ງ​ມີ​ທັງ​ໝົດ 40 ເປົາໆ​ລະ 10.000 ກີບ ຄິດ​ສະ­ເລ່ຍແລ້ວ ການ​ລົງ­ທຶນ​ເຮັດ​ສວນ​ໝາກແຕງ​ແມ່ນ​ບໍ່​ເກີນ​ໜຶ່ງ​ລ້ານ​ກີບ ແຕ່ມີ​ລາຍ​ຮັບ​ຈາກ​ການ​ຂາຍ​ໝາກແຕງ​ໄດ້​ປະ­ມານ 7 ລ້ານ​ກີບ​ຕໍ່ ເດືອນ​ບໍ່​ຫຼຸດ.

ທ້າວ ທອງ​ພຸດ (ຈ່ອຍ) ພ້ອມຄອບ­ຄົວ ເຖິງ​ຈະ​ບໍ່​ມີ​ຄວາມ​ຮູ້ ຫຼື ຈົບ​ວິ­ຊາ​ສະ­ເພາະ​ໃດ​ໜຶ່ງ​ມາ​ກ່ອນກໍ​ຕາມ, ແຕ່​ຍ້ອນ​ຄວາມ​ອົດ­ທົນພາກ​ພຽນ, ຄວາມ​ສາ­ມັກ­ຄີ​ເປັນຈິດ​ໜຶ່ງ​ໃຈ​ດຽວ​ກັນ, ຕ່າງ​ຝ່າຍ​ຕ່າງກໍ​ໃຫ້​ກຳ­ລັງ​ໃຈ​ເຊິ່ງ​ກັນ​ແລະ​ກັນ, ຈຶ່ງ​ສາ­ມາດ​ເບິ່ງ­ແຍງ ແລະ​ລ້ຽງດູ​ຄອບ­ຄົວ​ດ້ວຍ​ການ​ເອົາ​ອາ­ຊີບເຮັດ​ນາ ແລະ​ສວນ​ເປັນ​ທີ່​ເພິ່ງ​ຈົນມາ​ຮອດ​ເທົ່າ​ທຸກ​ວັນ​ນີ້.

ແຫຼ່ງທີ່ມາ: http://www.sedthakid.la/business/2015-07-22-16-08-11/item/4152-planting-fruit