DOA

ປູກຝັງທັນສະໄໝ ສະອາດ ປອດໄພ ໃສ່ໃຈຄຸນນະພາບ ໜັ້ນຄົງ ຍືນຍົງ ເປັນສິນຄ້າ

  • PDF

ມາດຕະການແກ້ໄຂ ການສົ່ງອອກພືດຜັກ ໄປສະຫະພາບເອີລົບ

ກອງ​ປະຊຸມ ມາດ​ຕະການ​ແກ້​ໄຂ​ການ​ສົ່ງ​ພືດ​ຜັກ ອອກ ​ໄປ EU ຈັດຂື້ນຢ່າງເປັນທາງການ ໃນ ວັນທີ 1 ມີນາ 2016 ໂດຍ​ການ​ເປັນ​ປະທານ​ຂອງ ​ທ່ານ ວິ​ໄລ​ສຸກ ​ເຄນ​ນະ​ວົງ ຫົວໜ້າ​ກົມ​ປູກຝັງ, ກະຊວງ​ກະສິກຳ ​ແລະ ປ່າ​ໄມ້ ເຊີ່ງໄດ້ຈັດຂີື້ນທີ່ ຫ້ອງ​ປະຊຸມ ​ພະ​ແນ​ກກະສິກໍາ ​ແລະ ປ່າ​ໄມ້ ​ແຂວງ​ຄຳ​ມ່ວນ. ມີ​ບັນດາ​ຜູ່​ຕ່າງ​ໜ້າ​ຈາກ ຂະ​ແໜງ​ປູກຝັງ​ແຂວງ​ ​ແລະ ຜູ້​ປະກອບ​ການ ການສົ່ງ​ອອກພຶດຜັກ ​ໃນ​ຂອບ​ເຂດ​ທົ່ວ​ປະ​ເທດ ເຂົ້າຮ່ວມຈຳນວນໜື່ງ.

ກອງ​ປະຊຸມ​ໄດ້​​ເປີດ​ກວ້າງໃຫ້ຜູ່ ປະກອບການ ໄດສົນທະນາ ບັນຫາຕ່າງໆ ແລະ ຊອກຫາຊ່ອງທາງອອກຮ່ວມກັນ ຢ່າງກົງ​ໄປ​ກົງ​ມາ ເຊີ່ງຜົນຂອງກອງ​ປະຊຸມ​ໄດ້​ມີ​ມະຕິ​ຕົກລົງ​ເຫັນ​ດີ​ເປັນ​ເອກະ​ພາບ​ ໃຫ້ມີ​ມາດ​ຕະການ​ແກ້​ໄຂ ແລະ ສະເໜີ ໃຫ້ພາກ​ລັດຖະບານຕ້ອງໄດ້ສືບຕໍ່​ສ້າງ ​ແລະ ​ເຜີຍ​ແຜ່ບັນດານິຕິ​ກຳຕ່າງໆ ໃຫ້​ແກ່​ພາກສ່ວນ​ທີ່​ກ່ຽວຂ້ອງ ໂດຍສະເພາະ ພາກ​ສ່ວນເອກະ​ຊົນ ທີ່ກຳລັງ​ດຳ​ເນີນ​ທຸລະກິດ ການ​ສົ່ງ​ພືດ​ຜັກ ອອກໄປ ບັນດາປະເທດສະຫະ​ພາບ​ເອີ​ລົບ ຕ້ອງໃດ້ເຂົ້າໃຈ ລະບຽບຫຼັການຕື່ມ, ພ້ອມກັນນັ້ນ ຕ້ອງໄດ້ສ້າງ​ຄວາມ​ເຂັ້ມ​ແຂງ ​ດ້ານ​ລະບົບ​ການ​ກວດກາ, ວິ​ໄຈ ​ແລະ ຢັ້ງຢືນ ​ໃຫ້​ແກ່​ພະນັກງານ​ເຈົ້າ ໜ້າ​ທີ່​ປ້ອງ​ກັນ​ພືດ ​ແລະ ສ້າງ​ລະບົບ​ຄຸ້ມ​ຄອງ EL ​ແລະ ການກວດ​ສອບ​ຍ້ອນ​ຫລັງ TS ຕາມ​ມາດຕະຖານ​ສາກົນ, ພ້ອມທັງຈັດ​ຕັ້ງ​ກຸ່ມ​ຜະລິດ​ຫັນ​ໃຫ້​ເຂົ້າ​ສູ່​ລະບົບ ແລະ ​ໃຫ້​ສອດຄ່ອງຕາມ​ມາດຕະຖານ​ເງື່ອນ​ໄຂ​ປະ​ເທດ​ນຳ​ເຂົ້າ ​ເຊັ່ນ: ລະບົບ GAP, OA, GI ​ໃຫ້​ໄປ​ຕາມ​ມາດຕະຖານ GMP HACCP

ທ່ານ ຫົວໜ້າ ກົມປູກຝັງ ​ໄດ້​ເນັ້ນ​ໃຫ້​ບັນດາ​ຂະ​ແໜງ​ປູກຝັງ​ແຂວງ ຈົ່ງ​ເປັນ​ເຈົ້າ​ການ ​ໃນ​ການສະ​ເໜີ​ ຂັ້ນ​ເທິງ​ຂອງ​ຕົນ​ ເພື່ອ​ພັດທະນາ​ບຸກຂະ​ລາກ​ອນ ​​ເພື່ອ​​ເຮັດ​ໜ້າ​ທີ່​ວຽກ​ງານ​ດັ່ງກ່າວ​ ໃຫ້​ໄດ້​ຮັບ​ປະສິດທິ​ພົນ.

ຜູ້ເຂົ້າຮ່ວກອງປະຊຸມ

 

ໂດຍ: ສຸນາລີ ສົມມະນີ