DOA

ປູກຝັງທັນສະໄໝ ສະອາດ ປອດໄພ ໃສ່ໃຈຄຸນນະພາບ ໜັ້ນຄົງ ຍືນຍົງ ເປັນສິນຄ້າ

ເອກກະສານທີ່ມາໃໝ່

  • PDF

ກົມປູກຝັງຮ່ວມໃຈ ປູກຕົ້ນໄມ້

​ເນື່ອງ​ໃນ​ໂອກາດ​ວັນ​ປູກ​ຕົ້ນ​ໄມ້​​ແຫ່ງ​ຊາດ ​ແລະ ວັນ​ເດັກນ້ອຍ​ສາກົນ ກົມປູກຝັງໄດ້​ມີ​ກິດຈະກຳ​ປູກ​ຕົ້ນ​ໄມ້ ຢູ່​ທີ່ ສູນ​ພັດທະນາ​ກະສິກຳ​ສະອາດ ​ໃນຕອນເຊົ້າ ​ວັນ​ທີ່ 3 ມີ​ຖຸນາ 2016 ຜ່ານ​ມາ ​ໂດຍ​ການ​ນຳພາ​ຂອງ ທ່ານ ວິ​ໄລ​ສຸກ ເຄນ​ນະ​ວົງ ຄະນະພັກກະຊວງກະສິກຳ ແລະ ປ່າໄມ້, ເລຂາຄະນະພັກຮາກຖານກົມປູກຝັງ, ຫົວໜ້າ​ກົມ​ປູກຝັງ ພ້ອມດ້ວຍພະນັກງານ​ລັດຖະກອນ ຂອງກົມປູກຝັງເຂົ້າຮ່ວມ ​ຈຳນວນ 70 ຄົນ.

ເບັ້ຍໄມ້ ທີ່ນຳມາປູກໃນຄັ້ງນີ້ແມ່ນ ປະກອບດ້ວຍ: ໄມ້ດູ່ລາຍ, ໄມ້ແຕ້ ຈໍານວນ 200 ເບັ້ຍ ທີ່ປູກໃສ່ຕາມຂອບທາງຂອງສູນພັດທະນາກະສິກຳສະອາດ ແລະ ປູກຕົ້ນກວ້ຍຈຳນວນໜື່ງ ຊື່ງນີ້ກໍ່ເປັນກິດຈະກຳໜື່ງທີ່ປະກອບສ່ວນເຂົ້າ ໃນນະ​ໂຍບາຍ ຂອງລັດຖະບານ ທີ່ຈະເຮັດ​ໃຫ້​ປະ​ເທດ​ລາວ ​ມີ​ເນື້ອ​ທີ່ ​ປ່າ​ໄມ້ ​ປົກ​ຄຸ​ມ  75% ​ໃນ​ສຸມ​ປີ​ຕໍ່ໜ້າ.    ​

ຫຼັງ​ຈາກ​ນັ້ນ ທ່ານ​ຫົວໜ້າ​ກົມ​ປູກຝັງ ​ກໍ່ໄດ້ນຳພາ ອ້າຍ​ນ້ອງພະນັກງານລັດຖະກອນ ສ້າງຂະບວນການ ແລະ ​ພາ​ລູກ​ຫຼານ ​ສະຫຼອງ​ວັນ​ເດັກນ້ອຍ​ສາກົນ ຢ່າງ​​ເບີກບານມ່ວນ​ຊືນ.

ທ່ານ ວິໄລສຸກ ເຄນນະວົງ ຖ່າຍຮູບຮ່ວມກັບພະນັກງານ ກົມປູກຝັງ

ໂດຍ:​ສຸນາລີ ສົມມະນີ