DOA

ປູກຝັງທັນສະໄໝ ສະອາດ ປອດໄພ ໃສ່ໃຈຄຸນນະພາບ ໜັ້ນຄົງ ຍືນຍົງ ເປັນສິນຄ້າ

  • PDF

ຝຶກອົບຮົມ ກ່ຽວກັບ ການປັບປຸງຖານຂໍ້ມູນຂ່າວສານດ້ານປູກຝັງ

ໃນຕອນເຊົ້າຂອງວັນທີ 13 ມີຖຸນາ ນີ້ ຢູ່ທີ່ ຫ້ອງປະຊຸມພະແນກກະສິກຳ ແລະ ປ່າໄມ້ແຂວງໄຊຍະບູລີ ໄດ້ຈັດຝຶກອົບຮົມ ກ່ຽວກັບ ການປັບປຸງຖານຂໍ້ມູນຂ່າວສານດ້ານປູກຝັງຂຶ້ນຢ່າງເປັນທາງການ ໂດຍການເປັນປະທານ ຂອງ ທ່ານ ສຸວັດ ມະນີວົງ ຮອງຫົວໜ້າພະແນກກະສິກຳ ແລະ ປ່າໄມ້ແຂວງ; ມີທ່ານ ຫຼິງຫຼ້ອງ ສິດທິໄຊ ຮອງຫົວໜ້າພະແນກແຜນການ ແລະ ການຮ່ວມມື, ກົມປູກຝັງ; ຫົວໜ້າ, ຮອງຫົວໜ້າຂະແໜງປູກຝັງ ພ້ອມດ້ວຍນັກສຳມະນາກອນຈາກພະແນກກະສິກຳ ແລະ ປ່າໄມ້ແຂວງ ໄຊຍະບູລີ, ແຂວງອຸດົມໄຊ ແລະ ພະນັກງານກະສິກຳ ແລະ ປ່າໄມ້ ເມືອງເຂົ້າຮ່ວມ 30 ກວ່າຄົນ.

ຊຸດຝຶກອົບຮົມຄັ້ງນີ້ ຄູຝຶກໄດ້ເອົາຫຼາຍບົດຮຽນມາໃຫ້ນັກສຳມະນາກອນໄດ້ຮຽນຮູ້ ເປັນຕົ້ນເຜີຍແຜ່ຍຸດທະສາດ ພັດທະນາການປູກຝັງຮອດປີ 2025 ແລະ ວິໃສທັດ 2030, ການວາງແຜນໂຄງການຕ່າງໆ, ການຈັດສັນຖານຂໍ້ມູນ, ວິທີການສ້າງຖານຂໍ້ມູນແຜນການຜະລິດ ແລະ ປັດໃຈການຜະລິດ, ຮ່າງຕະຕະລາງສະຫຼຸບການຜະລິດປະຈຳລະດູ, ປະຈຳປີ, ວິທີກຳນົດ ແລະ ຈັດລຽງພຶດບູລິມະສິດຂອງເມືອງ ແລະ ແຂວງ, ວິທີການສະຫຼຸບວຽກງານປູກຝັງ 3 ເດືອນ, 6 ເດືອນ, 9 ເດືອນ ແລະ ການສະຫຼູບປະຈຳປີ. ພ້ອມດຽວກັນນີ້ ຜູ້ເຂົ້າຮ່ວມຍັງໄດ້ແລກປ່ຽນຄຳຄິດ ຄຳເຫັນເຊິ່ງ ແລະ ກັນອີກ; ທັງນີ້ ກໍ່ເພື່ອພ້ອມກັນປັບປຸງວຽກງານຂໍ້ມູນຂ່າວສາວ ດ້ານການປູກຝັງໃຫ້ດີຂຶ້ນກວ່າເກົ່າ ເພື່ອຮັບປະກັນວຽກງານການວາງແຜນ, ການສຶກສາຄົ້ນຄວ້າ ວິໄຈ ແລະ ການພິຈາລະນາໃນການລົງທຶນ ພ້ອມທັງກຳນົດນະໂຍບາຍຕ່າງໆ ແລະ ການຕັດສິນໃຈບັນຫາຕ່າງໆ ສຳຫຼັບການພັດທະວຽກງານການປູກຝັງຕະຫຼອດ ການເຈລະຈາດ້ານການລົງທຶນທາງ ກະສິກຳ ໃນພາກພື້ນ ແລະ ສາກົນ.

ຊຸດຝຶກອົບຮົມຄັ້ງນີ້ໄດ້ຮັບການສະໜັບສະໜູນຈາກ ກົມປູກຝັງ, ກະຊວງ ກະສິກຳ ແລະ ປ່າໄມ້ ແລະ ໄດ້ດຳເນີນການອົບຮົມເປັນເວລາ ສອງວັນຈຶ່ງສຳເລັດ.

ນັກສຳມະນາກອນ ທີ່ເຂົ້າຮ່ວມຝຶກອົບຮົມ