DOA

ປູກຝັງທັນສະໄໝ ສະອາດ ປອດໄພ ໃສ່ໃຈຄຸນນະພາບ ໜັ້ນຄົງ ຍືນຍົງ ເປັນສິນຄ້າ

  • PDF

ສະຫະພັນແມ່ຍິງຮາກຖານກົມປູກຝັງ ຈັດກອງປະຊຸມ ປະຖະກະຖາ ເລົ່າມູນເຊື້ອວັນສ້າງຕັ້ງອົງການຈັດຕັ້ງສະຫະພັນແມ່ຍິງລາວ ຄົບຮອບ 62 ປີ

  • Thursday, 13 July 2017 02:24
  • Last Updated Thursday, 03 August 2017 04:15
  • Written by Thipphaphone Chanphengxay

ໃນວັນທີ 07 ກໍລະກົດ ທີ່ຜ່ານມາ ສະຫະພັນແມ່ຍິງຮາກຖານກົມປູກຝັງ, ກະຊວງກະສິກຳ ແລະ ປ່າໄມ້ ໄດ້ຈັດກອງປະຊຸມປະຖະກະຖາ ເລົ່າມູນເຊື້ອວັນສ້າງຕັ້ງອົງການຈັດຕັ້ງສະຫະພັນແມ່ຍິງລາວ ຄົບຮອບ 62 ປີ ທີ່ຫ້ອງປະຊຸມ ສູນປ້ອງກັນພືດ (ສາລາຄຳ) ໃຫ້ກຽດເປັນຄະນະປະທານໂດຍ ທ່ານ ວິໄລສຸກ ເຄນນະວົງ ກຳມະການຄະນະພັກຮາກຖານກະຊວງກະສິກຳ ແລະ ປ່າໄມ້, ເລຂາຄະນະພັກຮາກຖານກົມປູກຝັງ, ຫົວໜ້າກົມປູກຝັງ ທ່ານ ນາງ ວຽງຄຳ ແສງສຸລິວົງ ຄະນະສະຫະພັນແມ່ຍິງກະຊວງກະສິກຳ ແລະ ປ່າໄມ້, ທ່ານ ນາງ ຄຳພອນ ພັນທະວົງ ປະທານສະຫະພັນແມ່ຍິງຮາກຖານກົມປູກຝັງ, ພ້ອມດ້ວຍບັນດາສະມະຊິກສະຫະພັນແມ່ຍິງຮາກຖານກົມປູກຝັງ ແລະ ແຂກຖຶກເຊີນເຂົ້າຮ່ວມທັງໝົດ 46 ຄົນ, ຍິງ 41 ຄົນ.

ໃນວາລະກອງປະຊຸມມນັ້ນ ສະຫາຍ ນາງ ຄຳພອນ ພັນທະວົງ ໄດ້ຜ່ານບົດສະຫຼູບ ການຈັດຕັ້ງປະຕິບັດວຽກງານ 3 ດີ ປະຈຳປີ 2016 ແລະ ແຜນເຄື່ອນໄຫວຈັດຕັ້ງປະຕິບັດ ໃນປີ 2017 ຂອງສະຫະພັນແມ່ຍິງຮາກຖານກົມປູກຝັງ ໃນເວລາຕໍ່ມາ ສະຫາຍ ນາງ ວຽງຄຳ ແສງສຸລິວົງ ໄດ້ຂື້ນເລົ່າມູນເຊື້ອວັນສ້າງຕັ້ງອົງການຈັດຕັ້ງ ສະຫະພັນແມ່ຍິງລາວ ຄົບຮອບ 62 ປີ 20 ກໍລະກົດ 1955 – 20 ກໍລະກົດ 2017 ນອກຈາກນີ້ ເລຂາຄະນະພັກຮາກຖານກົມປູກຝັງໄດ້ຂື້ນມອບໃບຍ້ອງຍໍ 3 ດີ ໃຫ້ແກ່ຕາງໜ້າ 3 ໜ່ວຍ ສະຫະພັນແມ່ຍິງຮາກຖານກົມປູກຝັງ.

ເພື່ອໃຫ້ກອງປະຊຸມມີຄວາມໝາຍຄວາມສຳຄັນ ທ່ານ ວິໄລສຸກ ເຄນນະວົງ ໄດ້ໃຫ້ກຽດໂອ້ລົມ ທ່ານໄດ້ຊົມເຊີຍພະນັກງານສະຫະພັນແມ່ຍິງຜ່ານມາເອື້ອຍນ້ອງໄດ້ປະກອບສ່ວນຢ່າງໜັກໜ່ວງໃນທຸກຂົງເຂດວຽກງານຂະແໜງການ ດັ່ງນັ້ນ, ຄວນມີແຜນພັດທະນາເອື້ອຍນ້ອງຍິງໃຫ້ມີຄຸນສົມບັດສິນທຳປະຕິວັດໃຫ້ມີຄວາມສາມັກຄີສຶກສາອົບຮົມການປະພຶດຕົນ ພັດທະນາດ້ານຄວາມສາມາດເພື່ອເຮັດໜ້າທີ່ໃຫ້ຫຼ້ອນໃນສິ່ງທີ່ອົງການຈັດຕັ້ງມອບໝາຍໃຫ້, ທ່ານຍັງໄດ້ຊົມເຊີຍເອື້ອຍນ້ອງຍິງຜ່ານມາມີຂະບວນການແຂ່ງຂັນ 3 ດີ ໃຫ້ສຶບຕໍ່ ແລະ ລົງເລິກແບບແຜນເຮັດວຽກ, ການວິເຄາະນະໂຍບາຍພັກລັດເພື່ອເປັນພົນລະເມືອງດີ. ໃນຂະບວນການ 3 ດີນັ້ນ ຢາກໃຫ້ສ້າງຂະບວນການອອກແຮງງານ, ຫັນແໜ້ນຄວາມສາມັກຄີສ້າງຂະບວນການຈັດກອງປະຊຸມວິຊາການເພື່ອຊອກຮູ້ຮ່ຳຮຽນຍົກລະດັບຄວາມຮູ້ຄວາມສາມາດດ້ານວິຊາການໃຫ້ແໜ້ນ, ສ້າງຂະບວນການປັບປຸງແບບແຜນວິທີການເຮັດວຽກທີ່ການຈັດຕັ້ງມອບໃຫ້ມີປະສິທິຜົນສູງຕາມວິໄສທັດທີ່ວ່າ“ປູກຝັງທັນສະໄໝ ສະອາດປອດໄພ ໃສ່ໃຈຄຸນນະພາບ ໝັ້ນຄົງ ຍືນຍົງ ເປັນສິນຄ້າ”

 

ພິທີມອບໃບຍ້ອງຍໍໃຫ້ຕາງໜ້າ 3 ໜ່ວຍ ສະຫະພັນແມ່ຍິງຮາກຖານກົມປູກຝັງ

 

ພາບບັນຍາກາດງານກອງປະຊຸມຂອງສະຫະພັນແມ່ຍິງຮາກຖານກົມປູກຝັງ