DOA

ປູກຝັງທັນສະໄໝ ສະອາດ ປອດໄພ ໃສ່ໃຈຄຸນນະພາບ ໜັ້ນຄົງ ຍືນຍົງ ເປັນສິນຄ້າ

  • PDF

ກອງປະຊຸມ ສະຫຼຸບຜົນງານຈັດຕັ້ງປະຕິບັດ ວຽກງານ ຂອງກົມປູກຝັງ ປະຈຳປີ 2017

  • Tuesday, 16 January 2018 07:57
  • Last Updated Tuesday, 30 January 2018 08:58
  • Written by Thipphaphone Chanphengxay

ໃນຕອນເຊົ້າຂອງ ວັນທີ 15 ມັງກອນ  ທີ່ຜ່ານມາ, ໄດ້ຈັດ ກອງປະຊຸມ ສະຫຼຸບຜົນງານຈັດຕັ້ງປະຕິບັດ ວຽກງານ ຂອງກົມປູກຝັງ ປະຈຳປີ 2017 ແລະ ທິດທາງແຜນວຽກ ປີ 2018  ທີ່ ສູນປ້ອງກັນພືດ, ກົມປູກຝັງ. ເຊິ່ງກອງປະຊຸມຄັ້ງນີ້ໃຫ້ກຽດເປັນປະທານຂອງ ທ່ານ ດຣ ບຸນຂວາງ ຄຳບຸນເຮືອງ ຮອງລັດຖະມົນຕີ ກະຊວງກະສິກຳ ແລະ ປ່າໄມ້ ພ້ອມດ້ວຍ ຫົວໜ້າກົມປູກຝັງ, ຮອງກົມ, ຫົວໜ້າ, ຮອງພະແນກ, ສູນ ແລະ ພະນັກງານວິຊາການຫຼັກແລ່ງເຂົ້າຮ່ວມຢ່າງພ້ອມພຽງກັນ.

ເນື້ອໃນກອງປະຊຸມ ໄດ້ຮັບຟັງ ສະຫຼຸບຜົນງານ ຈັດຕັ້ງປະຕິບັດ ວຽກງານຂອງ ບັນດາພະແນກການ ແລະ ສູນອ້ອມຂ້າງກົມປູກຝັງ ໂດຍຕິດພັນກັບພາລະບົດບາດຂອງຕົນ. ຈາກນັ້ນ ທ່ານຮອງລັດຖະມົນຕີ ໄດ້ມີຄວາມຊົມເຊີຍຕໍ່ຜົນງານຂອງບັນດາພະແນກ ແລະ ສູນ ກໍ່ຄືກົມປູກຝັງ ທີ່ເຮັດມາໄດ້ໃນໄລຍະຜ່ານມາ. ພ້ອມທັງໃຫ້ທິດຊີ້ນຳແກ່ອ້າຍນ້ອງພະນັກງານເອົາໃຈໃສ່ວຽກງານວິຊາການຂອງຕົນຕາມການມອບມອບໝາຍ ໃຫ້ກຳແໜ້ນຈຸດສຸມ 2018 ໃຫ້ລົງເລີກຮອດແຂວງ, ເມືອງ, ບ້ານສາມສ້າງ, ບ້ານພັດທະນາ

ຈາກນັ້ນ ທ່ານຫົວໜ້າກົມປູກຝັງ ໄດ້ຂື້ນຮັບການຊີ້ນຳແທນ ແລະ ກອງປະຊຸມກໍ່ໄດ້ປິດລົງ ດ້ວຍບັນຍາກາດທີ່ເບີກບານມ່ວນຊື່ນ.

 

 

 

 

ຂ່າວໂດຍ: ທິບພະພອນ ຈັນເພັງໄຊ

ກວດແກ້ໂດ້: ຫຼິງຫຼ້ອງ ສິດທິໄຊ