DOA

ປູກຝັງທັນສະໄໝ ສະອາດ ປອດໄພ ໃສ່ໃຈຄຸນນະພາບ ໜັ້ນຄົງ ຍືນຍົງ ເປັນສິນຄ້າ

ສ້າງຂະບວນການກິລາ ກົມປູກຝັງ ແລະ ພະແນກກະສິກໍາ ແລະ ປ່າໄມ້ ນະຄອນຫຼວງວຽງຈັນ

ໃນວັນທີ 4 ມີຖນາ 2018 ຜ່ານ​ມາ​, ກົມປູກຝັງ ໄດ້ເຂົ້າຮ່ວມການສ້າງຂະບວນການແຂ່ງຂັນກິລາບານເຕະມິດຕະພາບຮ່ວມກັນລະຫວ່າງ ກົມປູກຝັງ ແລະ ພະແນກກະສິກໍາ ແລະ ປ່າໄມ້ ນະຄອນຫຼວງວຽງຈັນ, ທີ່ສະໂມສອນກະສິກໍາ ແລະ ປ່າໄມ້, ນໍາໂດຍທ່ານ ວິໄລສຸກ ເຄນນະວົງ ຫົວໜ້າກົມປູກຝັງ ແລະ ທ່ານ ປອ ຫຼ້າສາຍ ນວນທາສິງ ຫົວໜ້າພະແນກກະສິກໍາ ແລະ ປ່າໄມ້ ນະຄອນຫຼວງວຽງຈັນ, ພ້ອມນີ້ຍັງມີ, ຮອງຫົວໜ້າກົມ, ຫົວໜ້າພະແນກ, ຮອງຫົວໜ້າພະແນກ, ຫົວໜ້າຂະແໜງ, ຮອງຫົວໜ້າຂະແໜງ, ພ້ອມດ້ວຍ ພະນັກງານວິຊາການ ແລະ ຕົວແທນຈາກ 3 ອົງການຈັດ ຕັ້ງມະຫາຊົນ ​ເຂົ້າ​ຮ່ວມຢ່າງ ເປັນຂະບວນຟົດຟື້ນ.

ການສ້າງຂະບວນການແຂ່ງຂັນກິລາບານເຕະ ມິດຕະພາບຄັ້ງນີ້ ແມ່ນເພື່ອເປັນການຂໍ່ານັບຊົມເຊີຍວັນສໍາຄັນ ຂອງຊາດ ໂດຍສະເພາະ ​ຂະບວນການ​ປູກ​ຕົ້ນ​ໄມ້​​ແຫ່ງ​ຊາດ ​ແລະ ສະ​ເຫຼີ​ມສະຫຼອງວັນ​ເດັກນ້ອຍ​ສາກົນ ຄົບຮອບ 38ປີ (1ມິຖຸນາ1980-1ມິຖຸນາ 2018), ນອກນັ້ນ ເພື່ອເປັນການຮັດແໜ້ນຄວາມສາມະຄີມິດຕະພາບ ຂອງອ້າຍນ້ອງພະນັກງານຂອງສອງພາກສ່ວນ ໃຫ້ມີຄວາມສາມະຄີ ແລະ ຮັດແໜ້ນຍິ່ງຂື້ນ ​ທັງເປັນການອອກກໍາລັງກາຍ.