DOA

ປູກຝັງທັນສະໄໝ ສະອາດ ປອດໄພ ໃສ່ໃຈຄຸນນະພາບ ໜັ້ນຄົງ ຍືນຍົງ ເປັນສິນຄ້າ

ກົມປູກຝັງ ສ້າງຂະບວນການຕ້ອນຮັບກອງປະຊຸມໃຫຍ່ຂອງຕົນ

ເພື່ອເປັນການສ້າງຂະບວນການຕ້ອນຮັບກອງປະຊຸມໃຫຍ່ຂອງ ຄະນະພັກຮາກຖານກົມປູກຝັງ ແລະ ກອງປະຊຸມ 3 ອົງການຈັດຕັ້ງມະຫາຊົນທີ່ຈະຈັດຂື້ນຂອງ ກົມປູກຝັງ ແລະ ຍັງເປັນການຫັນແໜ້ນຄວາມສາມະຄີ ມິດຕະພາບພາຍໃນ ຂອງພະແນກ ແລະ ສູນອ້ອມຂ້າງ ໃຫ້ມີຄວາມໜັກແໜ້ນຍິ່ງໆຂື້ນ ​ທັງເປັນການອອກກໍາລັງກາຍ ເພື່ອສຸຂະພາບເຮັດໃຫ້ມີສຸຂະພາບແຂງແຮງ ພ້ອມກັນສືບຕໍ່ຈັດຕັ້ງປະຕິບັດໜ້າທີ່ວຽກງານ ຂອງຂະແໜງການປູກຝັງ ໄດ້ຮັບມອບໝາຍໃຫ້ສໍາເລັດເທື່ອລະກ້າວ.

ໃນວັນທີ 14 ກໍລະກົດ ທີ່ຜ່ານມາ 3 ອົງການຈັດຕັ້ງມະຫາຊົນ ໄດ້ຈັດກິດຈະກຳຫຼີ້ນກິລາບານເຕະສາມັກຄີຂອງພະນັກງານກົມປູກຝັງ ເຂົ້າຮ່ວມໃນກິດຈະກຳດັ່ງກ່າວ ມີທ່ານ ວິໄລສຸກ ເຄນນະວົງ ຫົວໜ້າກົມປູກຝັງ, ຮອງກົມປູກຝັງ, ຕາງໜ້າ 3 ອົງການຈັດຕັ້ງມະຫາຊົນ ພ້ອມດ້ວຍພະນັກງານເຂົ້າຮ່ວມ. ກິດຈະກຳຄັ້ງນີ້ແມ່ນໄດ້ດຳເນີນໄປຢ່າງເປັນຂະບວນ ແລະ ຟົດຟື້ນຢ່າງເບີກບານມ່ວນຊືນ.