DOA

ປູກຝັງທັນສະໄໝ ສະອາດ ປອດໄພ ໃສ່ໃຈຄຸນນະພາບ ໜັ້ນຄົງ ຍືນຍົງ ເປັນສິນຄ້າ

ກົມປູກຝັງ ເຊື່ອມຊຶມ ເອກະສານສຳຄັນຂອງພັກ ຄັ້ງທີ 6 (ສະໄໝທີ x)

ໃນວັນທີ 23 ກໍລະກົດ 2018 ທີ່​ຜ່ານ​ມາ, ກົມປູກຝັງ ໄດ້ຈັດກອງປະຊຸມເຊື່ອມຊືມເອກະສານສຳຄັນຂອງພັກ ຢູ່ສະໂມສອນສູນປ້ອງກັນພືດ ໂດຍການເປັນປະທານຂອງ ທ່ານ ວິໄລສຸກ ເຄນນະວົງ ກຳມະການຄະນະພັກກະຊວງກະສິກຳ ແລະ ປ່າໄມ້, ເລຂາຄະນະພັກຮາກຖານກົມປູກຝັງ, ຫົວໜ້າກົມປູກຝັງ ພ້ອມດ້ວຍພະນັກງານລັດຖະກອນເຂົ້າຮ່ວມທັງໝົດ 68 ສະຫາຍ ຈຸດປະສົງຂອງການຈັດກອງປະຊຸມຄັ້ງນີແມ່ນເພື່ອເຮັດໃຫ້ພະນັກງານຂອງກົມປູກຝັງ ມີຄວາມຮູ້ທິດທາງນະໂຍບາຍຂອງພັກຕໍ່ກັບວຽກງານຄຸ້ມຄອງພະນັກງານ ແລະ ການສ້າງແຜນພະນັກງານ ສຳລັບເອກະສານທີ່ນຳມາເຜີຍແຜ່ເຊື່ອມຊຶມໃນຄັ້ງນີ້ ປະກອບມີ: (1) ເອກະສານບໍລິຫານງານສູນກາງພັກ ຄັ້ງທີ 6 (ສະໄໝທີ x); (2) ບົດແນະນໍາ ຂອງຄະນະຈັດຕັ້ງສູນກາງພັກ ສະບັບເລກທີ 292/ຄຈສພ, ລົງວັນທີ

26 ເມສາ 2018; (3) ຄໍາແນະນໍາ ຂອງຄະນະຈັດຕັ້ງສູນກາງພັກ ສະບັບເລກທີ 291/ຄຈສພ, ລົງວັນທີ 26 ເມສາ 2018.

ໃນທີ່ກອງປະຊຸມໄດ້ເຜີຍແຜ່ເຊື່ອມຊືມມະຕິກອງປະຊຸມ ຄົບຄະນະບໍລິຫານງານສູນກາງພັກ ຄັ້ງທີ 6 (ສະໄໝທີ x) ສໍາລັບພະນັກງານຫຼັກແຫຼ່ງ ນໍາພາ-ຄຸ້ມຄອງ, ພະນັກງານ-ສະມາຊິກພັກ ທົ່ວໄປ ເຮັດໃຫ້ຄະນະພັກທຸກຂັ້ນ, ສະມາຊິກພັກທຸກສະຫາຍ ພະນັກງານນໍພາ ພະນັກງານທົ່ວໄປ ມີຄວາມເຂົ້າໃຈ, ກໍາແໜ້ນ, ເຊື່ອມຊືມ ແລະ ເປັນເອກະພາບສູງ ຕໍ່ບັນດາເນື້ອໃນສໍາຄັນ ຂອງມະຕິ 6 ຂອງຄະນະບໍລິຫານງານສູນກາງພັກ (ສະໄໝທີ x); ເພື່ອເຊື່ອມ ຊືມບັນດານິຕິກໍາ ກ່ຽວກັບ ວຽກງານການຄຸ້ມຄອງພະນັກງານ ແລະ ການສ້າງແຜນກໍານົດພະນັກງານນໍພາຄຸ້ມຄອງໃຫ້ສອດຄ່ອງເປັນພື້ນຖານໃຫ້ແກ່ການເລືອກເຟັ້ນສ້າງແຜນກໍານົດ,ກໍ່ສ້າງ, ບໍາລຸງ, ຕີລາຄາ, ສັບຊ້ອນ, ຈັດວາງ, ແຕ່ງຕັ້ງພະ ນັກງານເຂົ້າໃນຕໍແໜ່ງນໍາພາ-ຄຸ້ມຄອງແຕ່ລະຂັ້ນ ໃນຕໍ່ໜ້າ ແລະ ເພື່ອສືບຕໍ່ຄໍາແນະນໍາ ກ່ຽວກັບ ການຈັດຕັ້ງປະຕິບັດບຸຄະລາກອນ ການຈັດຕັ້ງຂັ້ນຕ່າງໆ ປັບປຸງລະບອບການນໍາພາ, ແບບແຜນວິທີເຮັດວຽກ ແລະ ແບບແຜນການດໍາລົງຊິວິດແກ້ໄຂບັນດາປະກົດການຫຍໍ້ທໍ້ໃນການຈັດຕັ້ງ ກໍ່ຄື ໃນຖັນແຖວສະມາຊິກພັກ, ພະນັກງານ ແລະ ແກ້ໄຂບັນຫາຕົວຈິງ ຂອງຂະແໜງການ ທ້ອງຖິ່ນໃນການກະກຽມໃຫ້ແກ່ການດໍາເນີນການກວດກາໜ່ວຍພັກປອດໃສ່ ເຂັ້ມແຂງ ໜັກແໜ້ນ ປີ 2018. ກອງປະຊຸມແຜ່ເຊື່ອມຊືມ ຄັ້ງນີ້ ເພື່ອໃຫ້ມີເນື້ອໃນຄວາມໝາຍຄວາມສໍາຄັນ ທ່ານປະທານຍັງໄດ້ຊີ້ນໍາໃຫ້ທຸກໜ່ວຍພັກ ຂອງພະແນກ ແລະ ສູນອ້ອອຂ້າງກົມປູກຝັງ  ໃຫ້ສືບຕໍ່ຜັນຂະຫຍາຍ ເຊື່ອມຊືມເນື້ອໃນ ມະຕິກອງປະຊຸມຄົບຄະນະບໍລິຫານງານສູນກາງພັກ ມະຕິ 6 (ສະໄໝທີ x), ບົດແນະນໍາ ຂອງຄະນະຈັດຕັ້ງສູນກາງພັກ ແລະ ຄໍາແນະນໍາ ຂອງຄະນະຈັດຕັ້ງສູນກາງພັກສະບັບນີ້, ພ້ອມທັງດຳເນີນກວດກາໜ່ວຍພັກປອດໃສ່ ເຂັ້ມແຂງ ໜັກແໜ້ນ ແລະ  ວິໃສທັດຍຸດທະສາດ ປູກຝັງທັນສະໄໝ ສະອາດ ປອດໄພ ໃສໃຈຄຸນນະພາບ ໜັ້ງຄົງ ຍືນຍົງ ເປັນສີນຄ້າ ຮອດປີ 2025 ແລະ ວິໃສທັດ ຮອດປີ 2030 ຂອງແຜນພັດທະນາກວມລວມ.

ໃນຕອນທ້າຍ ທ່ານປະທານກອງປະຊຸມໄດ້ເນັ້ນໜັກໃຫ້ພະນັກງານລັດຖະກອນພາຍໃນກົມປູກຝັງ ຈົ່ງເອົາໃຈໃສ່ຝຶກຝົນຫຼໍ່ຫຼອມຕົນເອງໃຫ້ໄປຕາມທິດທາງຂອງພັກ ແລະ ປະຕິບັດລະບຽບກົດໝາຍຢ່າງເຂັ້ມງວດ ແລະ ໃຫ້ແຕ່ລະພະແນກ ແລະ ສູນ ເອົາໃຈໃສວຽກງານຕິດຕາມປະເມີນຜົນຫຼາຍຂື້ນ ໂດຍສະເພາະແມ່ນການຕິດຕາມປະເມີນພະນັກງານ ແລະ ເພື່ອສ້າງແຜນກຳນົດພະນັກງານ. ກອງປະຊຸມໄດ້ປິດລົງໃນເວລາຕໍ່ມາດ້ວຍຄວາມເບີກບານມ່ວນຊື່ນ