DOA

ປູກຝັງທັນສະໄໝ ສະອາດ ປອດໄພ ໃສ່ໃຈຄຸນນະພາບ ໜັ້ນຄົງ ຍືນຍົງ ເປັນສິນຄ້າ

  • PDF

ຢ່າລືມ ພົບກັນທີ່ເດີນຈອດລົດສູນການຄ້າລາວ-ໄອເຕັກ ທ່ຽວຊົມງານຕະຫລາດນັດຜະລິດຕະພັນກະສິກຳ

ເພື່ອ​ຈັດ​ຕັ້ງ​ຜັນ​ຂະ​ຫ​ຍາຍ​ມະ​ຕິ​ຕົ​ກ​ລົງ​ຂອງ​ຂອງ​ທ່ານ​ນາ​ຍົກ​ລັດ​ຖະ​ມົນ​ຕີ ສະ​ບັບ​ເລກ​ທີ 51/ນຍ. ລົງ​ວັນ​ທີ30/8/2019. ວ່າດ້ວຍ​ການ​ສົ່ງ​ເສີມ​ການ​ຊົມ​ໃຊ້​ຜະ​ລິດ​ຕະ​ພັນ​ທີ່​ຜະ​ລິດ​ໄດ້​ຢູ່​ພາຍ​ໃນ ແລະ ຄຸ້ມ​ຄອງ​ການ​ນຳ​ເຂົ້າ​ສິນ​ຄ້າ​ອຸ​ປ​ະ​ໂພກ-ບໍ​ລິ​ໂພກ ໃຫ້​ນັ​ບ​ມື້​ຫລຸດ​ລົງ,  ເພື່ອປູກ​ຈິດ​ສຳ​ນຶກ​ໃຫ້​ປະ​ຊາ​ຊົນ, ອົງ​ການ​ຈັດ​ຕັ້ງ​ພາກ​ລັດ ແລະ ເອ​ກະ​ຊົນ​ໄດ້​ຊົມ​ໃຊ້​ສິນ​ຄ້າທີ່​​ຄົນ​ລາວ​ຜະ​ລິດພາຍ​ໃນ​ປະ​ເທດ​​ຫລາຍ​ຂື້ນ​ເວົ້າ​ລວມ,

ເວົ້າ​ສະ​ເພາະ​ກໍ່​ເພື່ອ​ສົ່ງ​ເສີມ​ການ​ຜະ​ລິດ​ພາຍ​ໃນ​ໃຫ້​ມີ​ບ່ອນ​ຈຳ​ຫ​ນ່າຍ, ສ້າງ​ເງື່ອນ​ໄຂ​ສະ​ດວກ​ແກ່​ຜູ້​ຜະ​ລິດ ແລະ ຜູ້​ຊື້​ໄດ້​ມີ​ການ​ພົບ​ປະ​ແລກ​ປ່ຽນ​ຂໍ້​ມູນ​ຮ່ວມ​ກັນ​ເພື່ອ​ເຈ​ລະ​ຈາ​ຊື້​ຂາຍ​ໃນ​ຕໍ່​ຫ​ນ້າ ເພື່ອ​ກະ​ຕຸ້ນ​ເສດ​ຖະ​ກິດ​ພາຍ​ໃນ​ປະ​ເທດ​ໃຫ້​ມີ​ບັນ​ຍາ​ກາດ​ຄຶກ​ຄື້ນ, ອີກ​ຢ່າງ​ໜຶ່ງ​ກໍ່​ເປັນ​ການສ້າງ​ຂະ​ບວນ​ການ​ຂ່ຳ​ນັບ​ຕ້ອນ​ຮັບ​ກອງ​ປະ​ຊຸມ​ສະ​ໄຫມ​ສາ​ມັນ​ເທື່ອ​ທີ 8 ຂອງ​ສະ​ພາ​ແຫ່ງ​ຊາດ​ຊຸດ​ທີ VIII ຢາງ​ເປັນ​ທາງ​ການ ແລະ ທັງ​ເປັນ​ການ​ຂ່ຳ​ນັບ​ຮັບ​ຕ້ອນ​ວັນ​ຊາດ​ທີ 2 ທັນ​ວາ,  ທາງກອງ​ເລ​ຂາຄະ​ນະ​ສະ​ເພາະ​ກິດ​ສົ່ງ​ເສີມ​ການ​ຜະ​ລິດ ແລະ ຊົມ​ໃຊ້​ຜະ​ລິດ​ຕະ​ພັນ​ທີ່​ຜະ​ລິດ​ໄດ້​ຢູ່​ພາຍ​ໃນ ຂໍເຊີນຍັງ​ບັນ​ດາ​ອົງ​ການ​ຈັດ​ຕັ້ງ​ລັດ,ເອ​ກະ​ຊົນ ແລະ ພໍ່​ແມ່ນ​ປະ​ຊາ​ຊົນ​ທ່ຽວຊົ​ມ​ງານ​ຕະ​ຫລາດ​ນັດ​​ຜະ​ລິດ​ຕະ​ພັນ​ກະ​ສິ​ກຳ​​ ທີ່​ຈະ​ຈັດ​ຂື້ນ​ໃນຄັ້ງ​ວັນ​ທີ 30/11-01/12/2019 ທີ່​ເດີ່ນ​ສູນ​ການ​ຄ້າ​ລາວ-ໄອ​ເຕັກ ນະ​ຄອນ​ຫລວງວຽງ​ຈັນ. ​ ພາຍ​ໃນ​ງານ​ທ່ານ​ຈະ​ໄດ້ທ່ຽວ​ຊົມ ແລະ ເລືອກ​ຊື້​ສິນ​ຄ້າ​ກະ​ສິ​ກຳ​ພືດ​ພັກ,ພັກ​ອີນ​ຊີ,ສິນ​ຄ້າ​ໂອ​ດ໋ອບ,ອຸດ​ສາ​ຫະ​ກຳ​ປຸງ​ແຕ່ງ ແລະ ສິນ​ຄ້າ​ຄອບ​ຄົວ​ຕົວ​ແບບ​ທີ່​ມາ​ຈາກ 9 ຕົວ​ເມືອງ​ທົ່ວ​ນະ​ຄອນ​ຫລວງວຽງ​ຈັນ.

ຫມາຍ​ເຫດ:  ຢ່າ​ລືມ ວັນ​ທີ 30/11-1/12/2019 ນີ້​ພົບ​ກັນ​ທີ່​ເດີນ​ຈອດ​ລົດ​ສູນ​ການ​ຄ້າ​ລາວ-ໄອ​ເຕັກ ເລີ່ມ​ແຕ່​ເວ​ລາ 6:00 ໂມງ​ເຊົ້າ​ເປັນ​ຕົ້ນ​ໄປ.

ແຫຼ່ງຂ່າວ: Medialaos Massmedia