DOA

ປູກຝັງທັນສະໄໝ ສະອາດ ປອດໄພ ໃສ່ໃຈຄຸນນະພາບ ໜັ້ນຄົງ ຍືນຍົງ ເປັນສິນຄ້າ

ຂ່າວສານ

ກອງປະຊຸມ ກ່ຽວກັບ ນຳສະເໜີຜົນ ຂອງສຶກສາປະເມີນກຸ່ມຊາວກະສິກອນ ເພື່ອກຳນົດ ເປັນກຸ່ມເປົ້າ ໝາຍ ຂອງໂຄງການສ້າງຄວາມເຊື່ອມໂຍງຂະຫຍາຍ ເຄືອຂ່າຍກະສິກໍາ

ໃນວັນທີ 05/06/2018 ຜ່ານມາ, ກົມປູກຝັງ ໄດ້ຈັດກອງປະຊຸມ ກ່ຽວກັບ ນຳສະເໜີຜົນ ຂອງສຶກສາການປະເມີນກຸ່ມຊາວກະສິກອນ ເພື່ອກຳນົດເປັນກຸ່ມເປົ້າໝາຍ ຂອງໂຄງການສ້າງຄວາມເຊື່ອມໂຍງຂະຫຍາຍເຄືອຂ່າຍກະສິກໍາ, ຈັດຂື້ນທີ່ ໂຮງແຮມ ຄລາວພາຊາ, ໃຫ້ກຽດເປັນປະທານໂດຍ ທ່ານ ວິໄລສຸກ ເຄນນະວົງ ຫົວໜ້າກົມປູກຝັງ, ເຂົ້າຮ່ວມມີ ຫົວໜ້າພະແນກ, ຮອງພະແນກ ກະສິກໍາ ແລະ ປ່າໄມ້ ແຂວງ, ຫົວໜ້າ ແລະ ຮອງກະສິກໍາ ແລະ ປ່າໄມ້ ເມືອງ, ອົງການບ້ານຈຸດສຸມສາກົນ (VFI), ອົງການ WINROCK, ອົງການອາຫານ ແລະ ການກະເສດ (FAO),

Read more: ອ່ານຕໍ່

ກົມປູກຝັງຄັບເຄື່ອນນິຕິກຳລຸ່ມກົດໝາຍ ວ່າດ້ວຍການປ້ອງກັນ ແລະ ການກັກກັນພືດ

ບົນພື້ນຖານການຈັດຕັ້ງປະຕິບັດແຜນພັດທະນາກະສະກຳ, ປ່າໄມ້ ແລະ ພັດທະນາຊົນນະບົດ ຢ່າງມີຈຸດສຸມ, ມີມາດຕະການລະອຽດ ຊຶ່ງໄດ້ອີງໃສ່ແຜນພັດທະນາກະສິກຳແບບຍືນຍົງ ແລະ ຜະລິດເປັນສີນຄ້າ. ກົມປູກຝັງ, ກະຊວງກະສິກຳ ແລະ ປ່າໄມ້ ໄດ້ສ້າງນິຕິກຳລຸ່ມກົດໝາຍ ຂັ້ນກະຊວງພາຍໄຕ້ກົດໝາຍວ່າດ້ວຍ ການປ້ອງກັນ ແລະ ການກັກກັນພືດ;ໃນວັນທີ 30 ເມສາ 2018 ກົມປູກຝັງໄດ້ສຳເລັດຮ່າງ ຂໍ້ຕົກລົງ ວ່າດ້ວຍ ບັນຊີ ພືດຄວບຄຸມ ທີ່ຕ້ອງ ປະເມີນຄວາມສ່ຽງສັດຕູພືດ ກ່ອນນຳເຂົ້າມາຍັງ ສປປ ລາວ ໂດຍການເປັນປະທານ ຂອງ ທ່ານວິໄລສຸກ ເຄນນະວົງ ຫົວໜ້າກົມປູກຝັງ

Read more: ອ່ານຕໍ່

ເຈົ້າໜ້າທີ່ກັກກັນພືດ ແຂວງຫົວພັນໄດ້ຮັບການຝຶກອົບຮົມ ການກວດກາສັດຕູພືດ ກ່ອນນຳເຂົ້າ-ສົ່ງອອກ ພືດ ແລະ ຜະລິດຕະພັນພືດ

ແຂວງຫົວພັນເປັນແຂວງໜຶ່ງທີ່ມີທ່າແຮງໃນການສົ່ງອອກ ແລະ ແລກປ່ຽນຄ້າຂາຍສີນຄ້າກະສິກຳ ແລະ ປ່າໄມ້ ໂດຍສະເພາະການສົ່ງອອກ ພືດ ແລະ ຜະລິດຕະພັນພືດ ເຊັ່ນ ເຂົ້າ, ສາລີ, ໝາກເດືອຍ, ຂີງ ເປັນຕົ້ນ ໄປ ຍັງ ສສ ຫວຽດນາມ. ໃນຂະນະດຽວກັນ ກ່ອນການນຳເຂົ້າ, ສົ່ງອອກ ແລະ ສົ່ງຜ່ານ ພືດດັ່ງກ່າວ ມີຄວາມຈຳເປັນໃນການ ປັບປຸງຄວາມອາດສາມາດຂອງບຸກຄະລາກອນໃນການຈັດຕັ້ງປະຕິບັດວຽກງານສຸຂານາ ໄມພືດ ໃຫ້ສອດຄ່ອງຕາມ ມາດຕະຖານສາກົນດ້ານມາດຕະການສຸຂານາໄມພືດ ທີ່ ສປປ ລາວ ເປັນພາຄີ.

Read more: ອ່ານຕໍ່

ລົງຊຸກຍູ້ຕິດຕາມການຈັດຕັ້ງປະຕິບັດວຽກງານກັກກັນພືດທີ່ແຂວງຊຽງຂວາງ

ເພື່ອເຮັດໃຫ້ການຈັດຕັ້ງປະຕິບັດມາດຕະຖານສາກົນດ້ານມາດຕະການສຸຂານາໄມພືດ ຂອງ ສປປ ລາວ ກໍ່ຄື ແຂວງຊຽງຂວາງ ໃຫ້ໄດ້ຮັບຜົນສຳເລັດສູງ ແລະ ໃນການກ່ອນການນຳເຂົ້າ-ສົ່ງອອກ ແລະ ສົ່ງຜ່ານ ພືດ ແລະ ຜະລິດຕະພັນພືດ ທ່ານ ປອ ສຸລາພອນ ອິນທະວົງ ຮອງຫົວໜ້າກົມປູກຝັງ ພ້ອມດ້ວຍຄະນະທີມງານວິຊາການ ດ້ານການກັກກັນພືດ ລົງສົມທົບກັບ ຂະແໜງປູກຝັງແຂວງຊຽງຂວາງ ເພື່ອຊຸກຍູ້ຕິດຕາມການຈັດຕັ້ງປະຕິບັດ ມາດຕະຖານສາກົນດ້ານມາດຕະການສຸຂານາໄມພືດສຳລັບການອຳນວຍຄວາມສະດວກ ທາງດ້ານການນຳເຂົ້າ ສົ່ງອອກ ພືດ ແລະ ຜະລິດຕະພັນພືດ ໃຫ້ໄດ້ຕາມມາດ ຕະຖານສາກົນ ດ້ານມາດຕະການສຸຂານາໄມພືດ ທີ່ ສປປ ລາວ ເປັນພາຄີ.

Read more: ອ່ານຕໍ່

ກອງປະຊຸມຄັ້ງທີ 22 ຂອງໜ່ວຍງານຊ່ຽວຊານອາຊຽນ ກ່ຽວກັບ ການເຊື່ອມໂຍງການຄວບຄຸມການຕົກຄ້າງສູງສຸດຂອງຢາປາບສັດຕູພືດ

ເພື່ອເປັນການຈັດຕັ້ງປະຕິບັດຂອບວຽກດ້ານລະບຽບການຄວາມປອດໄພອາຫານຂອງອາຽນ (ASEAN Food Safety Regulatory Framework) ​ໂດຍ​ສະ​ເພາະ ​ແມ່ນ​ການ​ຄວບ​ຄຸມການ​ຕົກ​ຄ້າງສູງ​ສຸດ​ຂອງຢາ​ປາບ​ສັດຕູ​ພືດ (Maximum Residue Limits) ​ໃນ​ ​ອາ​ຊຽນ ໃນ​ລະຫວ່າງວັນ​ທີ 22-25 ມັງ​ກອງ 2018 ທີ່​ ​ໂຮງ​ແຮມ ລາວ ພລາຊາ ນະຄອນຫຼວງ ວຽງຈັນ, ບັນດາ​ຊ່ຽວຊານ​ຈາກ​ບັນດາ​ປະ​ເທດ​ສະມາຊິກ​ອາ​ຊຽນ ຄື: ກຳປູ​ເຈຍ, ອິນ​ໂດ​ເນ​ເຊຍ, ສປປ ລາວ, ມາ​ເລ​ເຊຍ, ສິງ​ກາ​ໂປ ​ແລະ ຣາຊະ​ອານາຈັກ ​ໄທ ​ແລະ ຜູ້​ຕາງໜ້າ​ຈາກກອງ​ເລຂາ​ອາ​ຊຽນ ທີ່ ປະ​ເທດ ອິນ​ໂດ​ເນ​ເຊຍ ໄດ້​ເຂົ້າຮ່ວມ​ກອງ​ປະຊຸມ​ ຄັ້ງທີ 22 ຂອງ​ໜ່ວຍ​ງານ​ຊ່ຽວຊານ​ດ້ານ​ການ​ເຊື່ອມ​ໂຍງ​ການ​ຄວບ​ຄຸມ​ການ​ຕົກ​ຄ້າງ​ສູງ​ສຸດ​ຂອງ​ຢາ​ປາ​ສັດຕູ​ພືດ ອາ​ຊຽນ (EWG-MRLs).

Read more: ່ອ່ານຕໍ່

Read more...

Page 2 of 6