DOA

ປູກຝັງທັນສະໄໝ ສະອາດ ປອດໄພ ໃສ່ໃຈຄຸນນະພາບ ໜັ້ນຄົງ ຍືນຍົງ ເປັນສິນຄ້າ

  • PDF

ສົກປີນີ້ ຂະແຫນງກະສິກຳ ແລະ ປ່າໄມ້ ຈະໃຊ້ງົບ 100 ກວ່າຕື້, ເນັ້ນພັດທະນາການຜະລິດ

  • Thursday, 07 March 2013 06:12

ເພື່ອເຮັດ​ໃຫ້​ຄາດ­ຫມາຍ ​ສູ້ຊົນ​ຂອງ​ແຜນ ​ພັດ­ທະ­ນາ​ເສດຖະ​ກິດ-ສັງ­ຄົມ ມີ​ການ​ຂະ­ຫຍາຍຕົວ ​ໃນ​ລະ­ດັບ 8,3%, ລວມ​ຍອດຜະ­ລິດ​ຕະ​ພັນ ​ຂອງ​ຂະ­ແຫນງ​ກະສິ​ກຳ ແລະ ປ່າ­ໄມ້ ເພີ່ມ​ຂຶ້ນ​ໃນ ລະ­ດັບ 3,3% ຂຶ້ນ​ໄປ, ເຊິ່ງ​ກວມເອົາ 25,9% ຂອງ ຈີ​ດີ​ພີ ລວມແຫ່ງ​ຊາດ ແລະ ໃນ​ສົກ​ປີ 2012-2013 ນີ້, ກະ­ຊວງ​ກະ­ສິ­ກຳ ແລະ ປ່າ­ໄມ້​ເປີດ­ເຜີຍ ​ຈະ​ໃຊ້​ງົບ​ປະມານ 101 ຕື້​ກີບ, ໃນ​ຈຳ­ນວນ 212 ໂຄງ­ການ ​ເນັ້ນ​ພັດ­ທະ­ນາການ​ຜະ­ລິດ​ເປັນ​ສິນ­ຄ້າ.

ກະ­ສິ­ກຳ ແລະ ປ່າ­ໄມ້ ເປັນ​ຂະແຫນງ​ການ​ຫນຶ່ງ​ ທີ່​ສຳ­ຄັນ ແລະ ເປັນ​ຫນຶ່ງ​ໃນ 3 ເສົາ­ຄ້ຳ​ສຳ­ຄັນ ​ຂອງ​ການ​ພັດ­ທະ­ນາ​ເສດ­ຖະ­ກິດ​ແຫ່ງ​ຊາດ, ທີ່​ຈະ​ຊ່ວຍ​ໃຫ້­ການເກັບ​ລາຍ​ຮັບ​ ເຂົ້າ​ງົບ­ປະ­ມານແຫ່ງ​ຊາດ​ ໃນ​ແຕ່​ລະ​ປີ​ບັນ­ລຸ​ຕາມແຜນ­ການ ຫລື ລື່ນ​ແຜນ. ສະນັ້ນ, ຂະ­ແຫນງ­ການ​ດັ່ງ­ກ່າວ​ຈິ່ງ​ມີ​ຄວາມ​ຕ້ອງ­ການ​ແຫລ່ງ​ທຶນ​ສູງ​ ເພື່ອ​ພັດ­ທະ­ນາ.

ຕາມ​ຂໍ້​ມູນ​ແຜນ­ການ​ສົກ​ປີ 2012-2013 ຂອງ​ກະ­ຊວງ​ກະສິ​ກຳ ແລະ ປ່າ­ໄມ້ໃຫ້​ຮູ້​ວ່າ: ໃນ​ສົກ​ປີ­ຜ່ານ­ມາລັດ­ຖະ­ບານ​ ໄດ້ວາງ​ງົບ­ປະ­ມານ ​ໃຫ້​ກະຊວງ​ກະສິ​ກຳ ແລະ ປ່າ­ໄມ້​ ຄຸ້ມ​ຄອງ​ຈຳນວນ 204 ໂຄງ­ການ, ເປັນ​ມູນຄ່າ 84 ຕື້​ກີບ, ໃນ​ນັ້ນ ຈຳ­ນວນ 43 ໂຄງ­ການ, ມູນ​ຄ່າ 15,48 ຕື້ ກວ່າ​ກີບ, ແມ່ນ​ໃຊ້​ສຳ­ລັບ​ວຽກດັດ­ສົມ ​ສົ່ງ­ເສີມ​ວິ­ຊາ​ການ ແລະ ການ​ລົງ​ຊຸກ­ຍູ້​ວຽກ​ງານ ​ຂອງຄະ­ນະ​ການ​ນຳ​ກະ­ຊວງ ແລະ ກົມ, ສ່ວນ​ອີກ 161 ໂຄງ­ການ, ຄິດ​ເປັນ 68,50 ຕື້​ກີບ, ໃນ​ນັ້ນ ເປັນ​ພູດ​ປົກ­ກະ­ຕິ 136 ໂຄງ­ການ,  ມູນ​ຄ່າ 14 ຕື້​ກີບ, ໃນ​ນີ້ ລວມ​ມີການ​ລົງ­ທຶນ​ໃສ່​ດ້ານ​ວິ­ຊາ​ການ 116 ໂຄງ­ການ, ເປັນ​ມູນ​ຄ່າ​ທັງຫມົດ 8,28 ຕື້​ກີບ ແລະ ກໍ່­ສ້າງສ້ອມ­ແປງ​ພື້ນ­ຖານ​ໂຄງ​ລ່າງ​ກະຊວງ 20 ໂຄງ­ການ, ລວມ​ແລ້ວ 5,72 ຕື້​ກີບ, ສ່ວນ​ພູດ​ກອງ​ທຶນ ພັດ­ທະ­ນາ​ຊັບ­ພະ­ຍາ­ກອນ​ປ່າ­ໄມ້ 11 ໂຄງ­ການ, ມູນ​ຄ່າ 15 ຕື້ ກີບ (ໄດ້​ຕົວ​ຈິງ 8 ຕື້​ກີບ), ພູດນ້ຳ​ເທີນ 2 ມີ 2 ໂຄງ­ການ, ສະເລ່ຍ 1,5 ຕື້​ກີບ ແລະ ພູດ​ບ້ວງລົງ­ທຶນ​ກໍ່­ສ້າງ, ສ້ອມ­ແປງ​ຊົນລະ​ປະ­ທານ​ຂອງ​ແຂວງ​ ທີ່​ເກາະຫ້ອຍ​ເພ­ດານ ​ກະ­ຊວງ​ໃນ​ຈຳນວນ 12 ໂຄງ ການ, ເປັນ​ມູນຄ່າ 38 ຕື້​ກີບ.

ນອກ­ຈາກ​ນີ້ ກະ­ຊວງ​ກະ​ສິ ກຳ ແລະ ປ່າ­ໄມ້​ຍັງ​ໄດ້​ງົບ​ປະມານ​ພິ­ເສດ​ ຈາກ​ງົບ­ປະ­ມານ​ປົກກະ­ຕິ​ອີກ 2 ໂຄງ­ການ, ເປັນບ້ວງ​ຄົ້ນ­ຄວ້າ​ວິ­ທະ­ຍາສາດ 2 ໂຄງ­ການ, ມູນ​ຄ່າ 5 ຕື້​ກີບ ແລະ ໂຄງ­ການ​ຄົ້ນ­ຄວ້າ​ແນວ​ພັນ​ງົວ 2,5 ຕື້​ກີບ ແລະ ແນວພັນ​ສາ­ລີ 2,5 ຕື້​ກີບ.

ຂະ­ນະ​ທີ່​ສົກ​ປີ 2012-2103 ນີ້, ກະ­ຊວງ​ກະ­ສິ­ກຳ ແລະ ປ່າ­ໄມ້ ຄຸ້ມ​ຄອງ​ທັງ​ຫມົດ 212 ໂຄງການ, ລວມ​ມູນ​ຄ່າ 101 ຕື້​ກີບ, ເມື່ອ​ທຽບ­ໃສ່​ສົກ​ປີ­ຜ່ານ­ມາ (2011-2012) ເພີ່ມ​ຂຶ້ນ​ປະມານ 20%, ເຊິ່ງ​ໃນ​ນັ້ນ​ງົບ​ລົງທຶນ​ຂອງ​ລັດ 84,8 ຕື້​ກີບ, ປັດໄຈ​ທີ່​ເພີ່ມ​ຂຶ້ນ​ນັ້ນຍ້ອນ​ມີ​ໂຄງການ​ຊົນ­ລະ­ປະ­ທານ​ບູ​ລິ​ມະ​ສິດຂອງ​ ລັດ­ຖະ­ບານ​ທີ່​ປະ­ຕິ­ບັດ​ຢູ່ແຂວງ​ລວມ​ຢູ່​ນຳ.

ງົບ­ປະ­ມານ​ດັ່ງ­ກ່າວ​ເມື່ອ​ສົມທຽບ­ໃສ່​ຫນ້າ​ວຽກ ແລະ ຄວາມຮັບ­ຜິດ­ຊອບ​ຂອງ​ກະ­ຊວງ​ແລ້ວ​ແມ່ນ​ບໍ່​ພຽງ­ພໍ ໂດຍ​ສະ­ເພາະ​ງົບປະ­ມານ​ທີ່​ນຳ​ໃຊ້​ເຂົ້າ​ໃນ​ວຽກງານ​ຈຸດ​ສຸມ​ຂອງ​ ລັດ­ຖະ­ບານເຊັ່ນ: ວຽກ​ງານ​ສາມ​ສ້າງ, ຈຸດສຸມ​ຍົກ​ສະ­ມັດ​ຕະ​ພາບ​ການ​ຜະລິດ​ຂອງ​ກະ­ຊວງ, ວຽກ​ງານ​ພັດທະ​ນາ​ບັນ­ດາ​ວິ­ທະ­ຍາ­ໄລ ແລະ ວຽກ​ງານ​ການ­ຈັດ­ຕັ້ງ​ກົງ­ຈັກການ­ຈັດ­ຕັ້ງ​ທີ່­ຢູ່​ພາຍ​ໃນ​ກະ­ຊວງ ແລະ ທ້ອງ­ຖິ່ນ, ສ່ວນ​ທຶນ​ຊ່ວຍເຫລືອ​ລ້າ ແລະ ກູ້​ຢືມ​ຂອງ​ບັນ­ດາໂຄງ­ການ​ຂອງ​ຂະ­ແຫນງ​ກະ​ສິກຳ ແລະ ປ່າ­ໄມ້ ແມ່ນ​ຈະ​ສືບຕໍ່​ໂອນ​ທຶນ­ຮອນ, ສິ່ງ​ອຳ­ນວຍຄວາມ​ສະ­ດວກ ແລະ ອຸ­ປະ­ກອນໃຫ້​ແກ່​ທ້ອງ­ຖິ່ນ (ແຂວງ, ເມືອງ) ເປັນ​ເຈົ້າ​ການ​ໃນ​ການຄຸ້ມຄອງ ແລະ ນຳ​ໃຊ້.

ເຖິງ​ຢ່າງ­ໃດ​ກໍ່​ຕາມ ການ​ພັດທະ​ນາ​ຂະ­ແຫນງ ​ກະ­ສິ­ກຳ​ຍັງຕ້ອງ​ເຮັດ​ແບບ​ມີ​ຈຸດ​ສຸມ ແລະ ຕິດ​ພັນ​ກັບ ​ການ​ພັດ­ທະ­ນາ​ເຂດແຄ້ວ​ນ, ທ່າ­ແຮງ, ສະ­ພາບ​ຈຸດ​ພິເສດ​ຂອງ​ທີ່​ຕັ້ງ, ພື້ນ​ທີ່, ຄວາມໄດ້​ປຽບ ແລະ ກາ­ລະ​ໂອ­ກາດ ໂດຍ​ການ​ນຳ​ໃຊ້​ທ່າ­ແຮງ​ຂອງຊັບ­ພະ­ຍາ­ກອນ​ທຳ​ມະ​ຊາດ, ຄວາມ​ຫລາກ​ຫລາຍ​ທາງ​ ດ້ານນິ­ເວດ​ກະ­ສິ­ກຳ, ຄວາມ​ເຊື່ອ​ຫມັ້ນທາງ​ດ້ານ​ການ­ເມືອງ ແລະ ມູນເຊື້ອ​ຄວາມ​ດຸ­ຫມັ່ນ​ ຂອງ​ຊາວກະ­ສິ­ກອນ​ລາວ​ເພື່ອ​ຫັນ​ເອົາ​ເຂດການ​ຜະ­ລິດ ​ທີ່​ໄດ້​ກຳ­ນົດ​ຈັດ​ສັນແລ້ວ​ມາ​ເປັນ​ ເຂດ​ການ​ຜະ­ລິດສະ­ບຽງ​ອາ­ຫານ ແລະ ຜະ­ລິດ​ສິນຄ້າ​ຢ່າງ​ແຂງ­ແຮງ.

ທີ່ມາຂອງຂ່າວ: